«Бәйтерек» холдингі туралы ақпарат

«Бәйтерек» ұлттық инвестициялық холдингі» АҚ (бұдан әрі – «Бәйтерек» ҰИХ» АҚ, «Бәйтерек» холдингі, Холдинг) Қазақстан Республикасы Президентінің 2013 жылғы 22 мамырдағы № 571 Жарлығымен «Даму институттарын, қаржы ұйымдарын және ұлттық экономиканы басқару жүйесін оңтайландыру жөніндегі шаралар туралы» құрылды. Холдингтің негізгі мақсаты – меншігіне тиесілі және сенімгерлік басқаруға берілген ұлттық даму институттарының, ұлттық компаниялардың және өзге де заңды тұлғалардың акциялар пакеттерін (қатысу үлестерін) тиімді басқаруды корпоративтік басқарудың озық стандарттарына сәйкес қамтамасыз ету.

«Бәйтерек» холдингі – құрамында келесі 7 еншілес ұйымы бар интеграцияланған даму институты: «Қазақстанның Даму Банкі» АҚ, «Отбасы банк» АҚ, «Даму» кәсіпкерлікті дамыту қоры» АҚ, «Қазақстан тұрғын үй компаниясы» АҚ, «Қазақстанның экспорттық-кредиттік агенттігі» АҚ, «Qazaqstan Investment Corporation» АҚ, «Аграрлық несие корпорациясы» АҚ.

«Бәйтерек» ҰИХ» АҚ-тың миссиясы – қазақстандық тауарлар мен қызметтердің өндірісін қолдау, инфрақұрылымды жаңғырту және азық-түлік қауіпсіздігін нығайту арқылы Қазақстан Республикасының орнықты экономикалық өсуіне қоғам алдындағы жауапкершілік қағидаттары негізінде жәрдемдесу.

Қызметтің стратегиялық бағыттары:

• Кәсіпкерлікті қолдау;
• Үлестік қаржыландыру экожүйесін дамыту;
  
• Халықты тұрғын үймен қамтамасыз ету.

• Қазақстан Республикасының 2023–2029 жылдарға арналған өңдеуші өнеркәсіпті дамыту тұжырымдамасы;
• Қазақстан Республикасындағы шағын және орта кәсіпкерлікті 2030 жылға дейін дамыту тұжырымдамасы;
• 2023–2029 жылдарға арналған тұрғын үй-коммуналдық инфрақұрылымды дамыту тұжырымдамасы;
• Қазақстан Республикасының 2021–2030 жылдарға арналған агроөнеркәсіптік кешенін дамыту тұжырымдамасы;
• «Энергетика және коммуналдық секторды жаңғырту» ұлттық жобасы.

«Бәйтерек» холдингі келесі мемлекеттік және Үкіметтік бағдарламаларды жүзеге асырудағы негізгі оператор болып табылады: