Нұрлыбек Машбекұлы Нәлібаев

Қазақстан Республикасы Премьер-Министрінің бірінші орынбасары, Холдингтің Директорлар кеңесінің мүшесі

Туған күні: 1976 жылғы 13 қазан.

Азаматтығы: Қазақстан Республикасы.

Жалғыз акционердің шешімімен, Қазақстан Республикасы Ұлттық экономика министрлігінің 2026 жылғы 15 мамырдағы №135 бұйрығымен «Бәйтерек» ұлттық инвестициялық холдингі» АҚ Директорлар кеңесінің мүшесі болып сайланды.

Білімі: 1997 жылы Қазақ мемлекеттік аграрлық университетін менеджер-экономист мамандығы бойынша, 2003 жылы - Қазақ гуманитарлық заң университетін заңгер мамандығы бойынша бітірген.

Еңбек жолын 1997 жылы «Қазақойл-коммерция» ЖШС-де бастаған.

1998 - 2005 жылдары «Бұлақ», «Стандарт Трейд», «Стандарт Ойл Бейс», «Стандарт Ойл», «Стандарт Ойл Трейдинг», «Стандарт Газ», «Харрикейн Ойл Продактс», «Қызылорда Мұнай Сервис», «ПетроҚазақстан» Сауда үйі» ЖШС-лерінде басшылық қызметтер атқарған.

2005 - 2007 жылдары – Қызылорда қаласы әкімінің бірінші орынбасары.

2007 - 2008 жылдары – Қызылорда облысы әкімі аппаратының басшысы.

2008 - 2013 жылдары – Қызылорда облысы Шиелі ауданының әкімі.

2013 - 2021 жылдары – Қызылорда қаласының әкімі.

2021 - 2022 жылдары – Қазақстан Республикасы Премьер-Министрі Кеңсесінің өңірлік даму бөлімінің меңгерушісі.

2022 - 2026 жылдары – Қызылорда облысының әкімі.

2026 жылғы 6 мамырда №1267 Мемлекет басшысының Жарлығымен Қазақстан Республикасы Премьер-Министрінің бірінші орынбасары болып тағайындалды.

Холдингтің акцияларын, сондай-ақ Холдингтің өнім берушілері мен бәсекелестері болып табылатын заңды тұлғалардың акциялары мен қатысу үлестерін иеленбейді.