Смайылов Әлихан Асханұлы
Директорлар кеңесінің төрағасы, Қазақстан Республикасының Премьер-Министрі
Қазақстанның дамуына бағытталған КӘСІПҚОЙЛАР
- Холдинг туралы
«Бәйтерек» холдингі Жалғыз акционері болып табылатын және оның басқаруына қатысатын Қазақстан Республикасының Үкіметімен тығыз жұмыс істейді.
Холдингтің инвесторлары мен серіктестері олар ұлттық басымдықтар мен саясатқа сай келетін жобаларды қаржыландыратындығына сенімді бола алады.
«Бәйтерек» холдингі тиімді белгіленген ынтымақтастықты пайдалана отырып, инвесторлар мен Үкімет арасындағы қарым-қатынасты оңтайландырады.
«Бәйтерек» ұлттық басқарушы холдингі» АҚ (бұдан әрі – «Бәйтерек» ҰБХ» АҚ, «Бәйтерек» холдингі, Холдинг) – корпоративтік басқарудың озық стандарттарына сәйкес келетін және Қазақстан экономикасын әртараптандыру, инновацияларды қолдау, экспортты дамыту, еңбек өнімділігін ұлғайту жолымен орнықты дамыту жөніндегі міндеттерді іске асыруды қамтамасыз ететін Қазақстан Республикасы Үкіметінің негізгі институты.
«Бәйтерек» ҰБХ» АҚ-ның жалғыз акционері Қазақстан Республикасының Үкіметі болып табылады.
«Бәйтерек» холдингі-құрамына 7 еншілес ұйым кіретін интеграцияланған даму институты: холдингтің 100 пайыз қатысуымен акционерлік қоғамдар болып саналатын «Қазақстанның Даму Банкі» АҚ, «Отбасы Банкі» Тұрғын үй құрылыс жинақ банкі» АҚ, «Даму» АҚ, «Қазақстанның тұрғын үй құрылысы» АҚ, «Kazakh Export» ЭСК» АҚ, «Қазына Капитал Менеджмент» АҚ, «Аграрлық несие корпорациясы» АҚ.
2021 жылдың наурызында Мемлекет басшысының тапсырмасы бойынша «ҚазАгро» ҰБХ» АҚ «Бәйтерек» холдингіне бірігу арқылы қайта құрылды. Сондай -ақ, «Қазақстандық ипотекалық компания» АҚ негізінде тұрғын үй құрылысының бірыңғай операторы (қазіргі «Қазақстандық тұрғын үй компаниясы» АҚ) құрылды.
Сонымен қатар, компанияның капиталына тікелей инвестициялау құралы шеңберінде Холдингтің еншілес компаниясы 59 компанияның ішінде әр түрлі меншік үлестеріне ие болып отыр.
«Бәйтерек» ҰБХ» АҚ миссиясы мемлекеттік саясатты іске асыру және «2050 – Стратегиясында» қойылған мақсаттарға қол жеткізу үшін ҚР тұрақты экономикалық дамуына көмектесу болып табылады.
Ұлт Жоспары - «100 нақты қадам»
Қазақстан Республикасын индустриялық-инновациялық дамытудың 2020 - 2025 жылдарға арналған мемлекеттік бағдарламасы
"Бизнестің жол картасы-2025" бизнесті қолдау мен дамытудың мемлекеттік бағдарламасы
Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасы
Қазақстан Республикасының агроөнеркәсіптік кешенін дамытудың 2017 - 2021 жылдарға арналған мемлекеттік бағдарламасы
Қарапайым заттар экономикасы
«Қазақстан Республикасының ұлттық экспорттық стратегия» бағдарламасы
Тұрғын үй-коммуналдық дамудың «Нұрлы жер» мемлекеттік бағдарламасы
Холдинг құрамында келесі еншілес ұйымдар жұмыс істейді:
Ірі кәсіпорындарды қолдай отырып, «Қазақстан Даму Банкі АҚ, «KazakhExport» экспорттық сақтандыру компаниясы» АҚ, «Qazaqstan Investment Corporation»АҚ борыштық және үлестік қаржыландыру, экспорттық операцияларды сақтандыру, лизингтік қаржыландыру сияқты қолдау құралдарын ұсынады және тұтастай алғанда шикізаттық емес экспорттаушыларға қолдау көрсетеді.
Микро, шағын және орта бизнес үшін – «Даму» кәсіпкерлікті дамыту қоры» АҚ кәсіпорындарға қолдаудың үш құралын ұсынады – сыйақы мөлшерлемесін субсидиялау, кредиттерге кепілдік беру және қаражатты екінші деңгейдегі банктерде шартты түрде орналастыру.
«Отбасы банк» тұрғын үй құрылыс жинақ банкі» АҚ («Отбасы банк» АҚ) және «Қазақстан Тұрғын Үй Компаниясы» АҚ тұрғын үйді жалға беру, ипотекалық несиелеу және банктер арқылы жеңілдетілген қаржыландыру.
«Аграрлық несие корпорациясы» АҚ ауылдағы ірі, орта және шағын кәсіпкерлікті қаржылай қолдау арқылы елдің агроөнеркәсіптік кешенінің (АӨК) тұрақты дамуына және техникалық жарақтандырылуына жәрдемдеседі.
«Bereke Bank» АҚ – бөлшек клиенттердің және нарықтағы шағын, орта ойыншылардан бастап ірі ойыншыларға дейінгі корпоративтік бизнес сегменттерінің қажеттіліктерін қанағаттандыратын бірегей қаржы институты.
