«Аграрлық несие корпорациясы» АҚ

Компания тікелей кредит беру арқылы АӨК субъектілерін жеңілдікпен қаржыландырады, сондай-ақ кредиттік серіктестіктер, микроқаржы ұйымдары, өңірлік инвестициялық орталықтар, екінші деңгейдегі банктер және лизингтік компаниялар арқылы көбінесе шағын және орта бизнесті қаржыландырады немесе бірлесе қаржыландырады. 

Қазақстанның барлық аймақтарында компанияның 19 филиалы бар.

Компанияның миссиясы:

АНК миссиясы – қолжетімді және тиімді қаржыландыру жүйесін қалыптастыру арқылы Қазақстан Республикасының агроөнеркәсіп кешенін тұрақты дамытуға жәрдемдесу.

Мақсаты:

1. АӨК субъектілерін қаржылық қызметтермен қамту үлесін арттыру.
   • Басым салаларды технологиялық жаңғыртуға және АӨК-тегі еңбек өнімділігін арттыруға жәрдемдесу.
2. Қаржы институттары мен АӨК субъектілерінің институционалдық тұрғыдан жетілдіру.
   • АӨК субъектілерінің хабардар болуын және құзыреттілік деңгейін арттыру.
3. Корпорация қызметінің тиімділігін арттыру.
• Қаржылық тұрақтылықты қамтамасыз ету.
• Операциялық жүйені жетілдіру.
• Корпоративтік басқарудың сапасы мен ашықтығын арттыру.

 2021 жылғы желтоқсанда "Аграрлық кредиттік корпорация" АҚ-ға "Ауыл шаруашылығын қаржылай қолдау қоры" АҚ-ны қосу шеңберінде оған АӨК сақтандыру саласындағы оператор, микробизнеске кредит беру функциялар берілді.

https://agrocredit.kz/

«Қазагроқаржы» АҚ

Мемлекет басшысының тапсырмасын орындау шеңберінде Холдинг 2022 жылғы 25 шілдеде «ҚазАгроҚаржы» АҚ акцияларының 100%-ын «Аграрлық несие корпорациясы» АҚ-ға берді.

Жарғылық мақсаттарды іске асыру үшін компания ауыл шаруашылығы техникасы мен жабдықтарын лизингке сатып алу бойынша қызметтер көрсетеді.

Компанияның миссиясы:

Сапалы және бәсекеге қабілетті лизингтік қызметтер көрсету арқылы Қазақстан Республикасының агроөнеркәсіптік кешенін техникалық жарақтандыруға жәрдемдесу.

Мақсаты:

1. Ауыл шаруашылығында техникалық жарақтандыруды және экспорттық әлеуетті арттыру
   • Ауыл шаруашылығы техникасы мен жабдықтарының лизингі бойынша инвестициялар көлемін ұлғайту
   • АӨК саласында экспорттық әлеуетті және еңбек өнімділігін дамытуға жәрдемдесу
2. Лизингтік қызметтерді жетілдіру және дамыту
   • Лизингтік қызметтердің сапасы мен қолжетімділігін деңгейін арттыру
   • Өнім желісін дамыту, оның ішінде қаржыландырудың жаңа бағыттарын енгізу арқылы дамыту
   • Бизнес-процестерді автоматтандыру

https://www.kaf.kz/