Қазақстанның дамуына бағытталған КӘСІПҚОЙЛАР
- Холдинг туралы
2022 жылы «Бәйтерек» ҰБХ» АҚ Басқармасының шешімімен Холдингтің бірыңғай кадр саясаты бекітілді, бұл құжат Холдингтің орталық аппаратында ғана емес, еншілес ұйымдарда да адами ресурстарды тиімді басқару мәселелерін реттейтін корпоративтік стандарт болып табылады. Құжат стратегиялық HR-жоспарлау, ұйымдық даму және лауазымдар дизайны, персоналды іріктеу және бейімдеу, кадрлық маркетинг және жұмыс берушінің бренді, тиімділікті басқару, персоналды мадақтау, персоналды оқыту және дамыту, кадрлар резерві және таланттарды басқару, корпоративтік мәдениетті дамыту және қолдау, HR-процестерді әкімшілендіру сияқты салалар бойынша персоналды басқару процестеріне айтарлықтай өзгерістер енгізуді көздейді.
Стратегиялық HR-жоспарлау
Стратегиялық HR-жоспарлау корпоративтік стратегияға, сыртқы және ішкі тенденцияларға негізделген. Осы бағыт шеңберінде Холдингтің персоналға деген қысқа мерзімді және ұзақ мерзімді қажеттіліктерін, олардың біліктілігін және қызметкерлердің қажетті санын кадрлық жоспарлау шешеді.
Ұйымдық даму және лауазымдардың дизайны
Бұл бағытқа әр түрлі сыртқы және ішкі өзгерістер кезінде пайда болатын жаңа лауазымдарды, бизнес-процестердің өзгеруін уақытылы талдау жатады. Осы өзгерістер шеңберінде барлық позицияларға арналған лауазымдық нұсқаулықтар бар, басқару нормасы белгіленген әрі сақталады, лауазымдар грейді айқындалған. Перспективадағы персоналға деген қажеттіліктер тұрақты негізде зерделенеді және автоматтандыруға болатын бизнес-процестер зерделенеді.
Қызметкерлерді іріктеу және бейімдеу
«Бәйтерек» ҰБХ» АҚ-да 3-кезеңмен персоналды іздеу және іріктеу қағидаты қолданылады: бірінші кезекте Президенттік жастар кадр резервінен және «Бәйтерек» ҰБХ» АҚ тобының бірыңғай кадр резервінен кандидаттар, екінші кезекте ішкі кандидаттар («Бәйтерек» ҰБХ» АҚ, еншілес ұйымдардың және аутсорсинг секторының қызметкерлері) үшінші кезекте сыртқы кандидаттар қарастырылады. Қызметкерлерді осылайша іздеу және іріктеу қағидаты негізгі мамандарды ұстап тұру және Холдинг тобында ұзақ жұмыс істеуге ұмтылдыру мақсатында ішкі іріктеуге басымдық беруге мүмкіндік береді. Сыртқы кандидаттарды іздеу туралы ақпарат міндетті түрде «Бәйтерек» ҰБХ» АҚ сайтында жарияланады, Telegram-арна арқылы жазылушыларға хабарлама жіберіледі, ал өтінімдер электрондық пошта арқылы қабылданады.
Персоналды бейімдеу заманауи геймификация құралдарын қолдану арқылы жүзеге асырылады.
Кадрлық маркетинг және жұмыс берушінің бренді
«Бәйтерек» ҰБХ» АҚ-ның HR-брендін ілгерілету және Холдинг қызметкерлерінің ат салысуын арттыру, ішкі коммуникация мен ашықтықты қамтамасыз ету мақсатында, Холдинг тиісті іс-шаралар кешенін орындады: компания жаңалықтарын жариялауға арналған Telegram-арна (HR News) және сырттан кандидаттарды іздеуге арналған бос жұмыс орындарын жариялайтын арна ашылды. Тоқсан сайын «Бәйтерек» ҰБХ» АҚ қызметкерлері ішкі департаменттердің жұмысы бағаланатын сауалнамаға қатысады, онда жобаларда бірлесе тиімді жұмыс жүргізу, өзара сыйластық және проблемаларды шешудегі өзара көмек сияқты қасиеттер бағаланады. Бұл көрсеткіш қызметкерлердің ҚНК картасына енгізілген.
Тиімділікті басқару
Әр қызметкердің тиімділігін бағалайтын жүйенің болуы тиімділікті басқаруды айғақтайды. Бұл ретте, тиімділік көрсеткіштері жоғары басшылық буыннан қатардағы қызметкерлерге дейін каскадталады. Холдингте әкімшілік пен басшы қызметкерлер деңгейінде ҚНК карталары арқылы жоспарлау, олардың нақты орындалуы және персоналды бағалау процесі автоматтандырылған. 2022 жылдан бастап 20 клеткалы модель негізінде қызметтің тиімділігін бағалаудың кешенді жүйесі енгізілді. Барлық кадрлық шешімдер қызметтің тиімділігін бағалауға сүйене отырып қабылданады.
Қызметкерлерді ынталандыру
2017 жылдан бастап Холдингте және еншілес ұйымдарда Korn Ferry әдістемесіне негізделген грейдтеу жүйесі енгізілген, ол ақы төлеудегі ішкі әділдік пен сыртқы бәсекеге қабілеттілік қағидатын тең дәрежеде қамтамасыз етеді. Нәтижесінде Холдинг бойынша айқын өтемақы саясаты іске асырылады. Ынталандыру жүйесіне қаржылық (жалақыны көтеру, сыйлықақы) және қаржылық емес компоненттер (тренингтер, жоғарылату, таланттарды басқару бағдарламасына қатысу) кіреді. Сонымен қатар, материалдық емес ынталандыру құралдары пайдаланылады, яғни жыл сайын қызметкерлер арасында байқаулар, жарыстар өткізіледі, үздік қызметкерлер марапатталады.
Кадрлық резерв және таланттарды басқару
30.06.2023 ж. жағдай бойынша Бірыңғай кадр резервінде Холдингтің және еншілес ұйымдардың 109 қызметкері бар. 2022 жылдан бастап 2023 жылдың 1 жартыжылдығы аралығында:
«Бәйтерек» ҰБХ» АҚ тобының бірыңғай кадр резервіндегі 12 адам жоғары
лауазымдарға тағайындалды.
«Бәйтерек» ҰБХ» АҚ тобының бірыңғай кадр резервіндегі 3 адам MBA, EMBA
бағдарламалары бойынша РФ мен әлемнің жетекші елдерінде оқуын аяқтады.
Резевте тұрған 3 адам кәсіби халықаралық сертификаттарға (CIMA и СFE) ие
болды.
Қызметкерлерді оқыту және дамыту
Қызметкерлердің өздерінің лауазымдық міндеттерін тиімді орындауы және Холдингтің даму стратегиясына сәйкес айқындалатын міндеттерді шешуі үшін олардың кәсіби және басқарушылық қызметі саласындағы қосымша теориялық және практикалық білімдерін, біліктіліктерін, қабілеттерін, құзыреттері мен дағдыларын жетілдіру және үйрету мақсатында қызметкерлерді оқыту және кәсіби дамыту жүзеге асырылады. Холдинг қызметкерлерін оқыту мен кәсіби дамыту мынадай қағидаттар негізінде ұйымдастырылады:
қызметкердің лауазымдық міндеттеріне, оның қызметін бағалау нәтижелеріне, қызметкердің алдына қойылған мақсаттар мен міндеттерге сай айқындалған қажеттіліктерге оқыту іс-шараларының тақырыбы мен мазмұнының сәйкестігі;
оқыту іс-шараларының Холдинг қызметінің тиімділігін арттыруды, үздік корпоративтік тәжірибелер мен стандарттарды зерделеуді қамтамасыз ететін нақты міндеттерді шешуге бағытталуы;
оқытудың және кәсіби дамудың жүйелі, қолданбалы, жоспарлы сипаты;
Холдингтің барынша көп қызметкерлерін оқыту және кәсіби даму бағдарламаларымен қамту. 2022 жылдың қорытындысы бойынша Холдингтің 96 қызметкері оқытылды:
оның ішінде 50% ерлер, 50% әйелдер.
2022 жылы 6 қызметкер халықаралық сертификаттар (PECB Certified ISO31000 Lead Risk Manager, CIMA (Rus), Cobit Foundation Certificate, Internal Audit Practitioner, Certified Fraud Examiner (CFE)) алды және 3 қызметкер ҚР корпоративтік хатшыларының сертификатын алды.
Қызметкерлер 43 оқыту іс-шарасына қатысты:
Оның 13-і онлайн режимде, 30-ы офлайн режимде өтті.
Корпоративтік мәдениетті дамыту және қолдау
Холдинг корпоративтік құндылықтарды нығайту мақсатында қызметкерлерге арналған іс-шараларды ұйымдастыру арқылы корпоративтік мәдениетті дамытуға және қолдауға ерекше көңіл бөледі. 2022 жылы 20-дан астам іс-шара ұйымдастырылды, олар: «Baiterek Open Hearts» қайырымдылық жәрмеңкесі, «Донор күні» акциясы, «Баланы мектепке дайында» акциясы, Қызметкерлерге арналған витамин күні, «Ұлттық валюта күні», «Республика күні», «Тәуелсіздік күні» мерекелеріне орай марапаттау салтанаты. Сондай-ақ, шахмат пен үстел теннисінен спорттық жарыстар.
HR-процестерді әкімшілендіру
Холдингтегі HR-процестерді әкімшілендіру Қазақстан Республикасының еңбек заңнамасына сәйкес жүзеге асырылады. Кадрлық іс жүргізу 90% автоматтандырылған және 1С: ЗУП пен Simbase қолданылады. Автоматтандыру нәтижесінде адами қателіктерге жол берілмейді, Холдинг қызметкерлеріне қызмет көрсетудің тиімділігі артады.
