Демеушілік және қайырымдылық іс-әрекеттері

Холдинг басқармасының шешімімен 2020 және 2021 жылдарға арналған қайырымдылық бағдарламалары бекітілді, олар өтініш берушілерге қайырымдылық және демеушілік қолдау көрсету жөніндегі шаралар мен іс-шаралар кешенін көздейді, сондай-ақ бекітілген жылдық бюджет және (немесе) даму жоспарлары шеңберінде қайырымдылықты жүзеге асыруға арналған қаражатты жоспарлау мен тиімді басқарудың ашықтығын қамтамасыз етеді.

2020-2021 жылдары сөйлеу және тірек-қимыл аппаратының қызметі бұзылған балаларға арналған мектепке дейінгі ұйымдар үшін, аз қамтылған, толық емес отбасылардан шыққан балалар мен ерекше білім берілуіне қажеттілігі бар оқушылар үшін, мүгедек балалар мен ерекше физикалық қажеттіліктері бар балаларға жаңа жылдық сыйлықтар алу үшін арнайы жабдық сатып алу үшін қайырымдылық көмек көрсетілді. Төтенше жағдайдан зардап шеккен мүлік объектілерін, Жамбыл облысының ауылдарын қалпына келтіруге, Түркістан облысы Мақтарал ауданының су тасқыны салдарынан зардап шеккен тұрғындарына тұрғын үйлерді қалпына келтіруге қайырымдылық көмек көрсетілді.

Холдингтің 2021 жылы іске асырылған бастамашылық жобалары

2021 жылы келесі қайырымдылық бастамалар жүзеге асырылды:

• 2021 жылдың 27 тамызында «Бәйтерек» холдингі «Нұр Отан» партиясы ұйымдастырған «Мектепке жол» қайырымдылық акциясына қатысты. Холдинг қызметкерлері әлеуметтік осал отбасы балаларына оқу құралдары салынған рюкзактарды жинады. Жыл сайын аз қамтылған отбасыларға көмек көрсетіледі.

• 2021 жылдың 11 қарашасында «Бәйтерек» холдингінде Донор күні өтті, оның барысында Холдинг пен оның еншілес ұйымдарының 77 қызметкері қан тапсырды. Холдинг ғимаратындағы донорлық қан алу пунктін Трансфузиология ғылыми-өндірістік орталығының қызметкерлері ұйымдастырды. Толық емес жұмыс уақытында 30 литрден астам қан тапсырылды.

• 2021 жылдың 14 желтоқсанында «Бәйтерек» холдингінде «Бәйтерек – ашық жүректер» қайырымдылық жәрмеңкесі өтті, одан түскен қаражат Ана мен бала ұлттық ғылыми орталығында ұзақ уақыт емделіп жатқан балаларға арналған жаңа жылдық шыршаны ұйымдастыруға жұмсалады. Нәтижесінде сатудан 1 миллион 300 мың теңгеден астам кіріс түскен.

• 2021 жылдың 22 желтоқсанында «Бәйтерек» холдингінің ұжымы ана мен бала ұлттық ғылыми орталығында ұзақ уақыт емделіп жатқан балалар үшін мереке ұйымдастырды, сондай-ақ 2021 жылғы 14 желтоқсанда өткен қайырымдылық жәрмеңкесінен түскен ақшалай қаражатқа «Ника» Үй жануарларына арналған баспананы көмірмен, азықпен және дәрі-дәрмекпен қамтамасыз етті.

«Бәйтерек» ұлттық басқарушы холдингі» акционерлік қоғамының қайырымдылықты жүзеге асыру қағидасы

«Бәйтерек» ұлттық басқарушы холдингі» акционерлік қоғамының 2021 жылғы қайырымдылықты жүзеге асыруы туралы есеп

«Бәйтерек» ұлттық басқарушы холдингі» акционерлік қоғамының 2020 жылғы қайырымдылықты жүзеге асыруы туралы есеп

«Бәйтерек» ұлттық басқарушы холдингі» акционерлік қоғамының 2019 жылғы қайырымдылықты жүзеге асыруы туралы есеп


іс-шаралар
күнтізбесі

?

Іздегеніңізді
таппадыңыз ба?

  • Официальный сайт Первого Президента Республики Казахстан - Елбасы Нурсултана Назарбаева
  • Официальный сайт Президента Республики Казахстан
  • Парламент Республики Казахстан
  • Официальный информационный ресурс Премьер-Министра Республики Казахстан
  • Министерство индустрии и инфраструктурного развития Республики Казахстан
  • Қазақстан Республикасының тұңғыш президенті - Елбасы кітапханасы
  • Қазақ тілінің қолданылу аясын кеңейтуге бағытталған электронды ресурстар
  • Казахстанский центр индустрии и экспорта