Экран дикторы- Холдинг туралы
Құрметті Айдана!
Сіздің ықыласыңызды «Атамекен» Ұлттық кәсіпкерлер палатасы «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы аясында жүзеге асырып жатқан «Бастау» жобасы арқылы жүзеге асыруға болады. Бұл жоба кәсіппен айналысамын деушілерді тегін оқытады. Жоба тренерлері бизнес жобаны жасауға көмектеседі. Курсты сәтті аяқтағаннан кейін сіз өз бизнесіңізге грант ала аласыз. Толық ақпаратты ҰКП сайтында https://atameken.kz/kk/pages/832-o-proekte мекенжайы бойынша немесе 1432 байланыс орталығына хабарласу арқылы білуге болады.
Құрметті Айман!
Мұндай сұрақпен сіз әкімдікке немесе жұмыспен қамту орталығына хабарласа алатын шығарсыз. Сіздің өтінішіңізде айтылған мәселелерді шешу «Бәйтерек» холдингінің құзыретіне кірмейді.
Құрметті Жандос!
Агроөнеркәсіптік кешен субъектілерін қаржыландыруды Холдингтің еншілес ұйымдары жүзеге асырады.
«Аграрлық несие корпорациясы» АҚ (бұдан әрі - АНК) тікелей кредит беруді, кредиттік серіктестіктер мен микроқаржы ұйымдарын қорландыруды қоса алғанда, сатудың бірнеше арналарын пайдалана отырып, микрокредит беруді жүзеге асырады, бұл мемлекеттік қолдау шараларымен кәсіпкерлердің көп санын қамтуға мүмкіндік береді.
Жобаларды қаржыландыру клиент кепілмен қамтамасыз етуді ұсынған кезде жүзеге асырылады. Кепілмен қамтамасыз етуге қойылатын талаптар АНК Кепіл саясатында көзделген.
Кредиттік өнімдер бойынша толық ақпарат АНК www.agrocredit.kz. корпоративтік сайтында орналастырылған.
«Даму» кәсіпкерлікті дамыту қоры» АҚ (бұдан әрі – Қор) «Бизнестің жол картасы-2025» бизнесті қолдау мен дамытудың мемлекеттік бағдарламасы шеңберінде (бұдан әрі – Бағдарлама) екінші деңгейдегі банк және микроқаржы ұйымы (бұдан әрі - ЕДБ/МҚҰ) беретін кредит бойынша пайыздық мөлшерлемені 6%-ға дейін арзандату (субсидиялау) және ЕДБ/МҚҰ-ның кредиті бойынша кепілдік қамтамасыз ету жеткіліксіз болған кезде 85%-ға дейін кепілдік беру түрінде қолдау шараларын ұсынады.
Бағдарламаға индустриялық-инновациялық салада өз жобаларын іске асыратын және (немесе) іске асыруды жоспарлайтын кәсіпкер/субъектілер қатыса алады.
Қордың кредитті субсидиялау және кепілдендіру туралы шешім қабылдауы ЕДБ/МҚҰ жобасын мақұлдағаннан кейін ғана жүзеге асырылады. Кепілмен қамтамасыз етуді ұсыну бойынша шарттар ЕДБ/МҚҰ ішкі нормативтік құжатымен регламенттеледі.
Бағдарлама шеңберінде субсидиялар мен кепілдіктер беру шарттары тиісті қағидалармен реттеледі, олармен мына сілтемелер бойынша танысуға болады: https://adilet.zan.kz/rus/docs/P1900001060 және https://adilet.zan.kz/rus/docs/V1500012183#z7.
Бағдарлама шеңберінде қаржылық қолдауға қатысты қосымша сұрақтар туындаған жағдайда өтініш беруші Қордың филиалына жүгіне алады немесе 1408 телефоны бойынша Call-орталыққа қоңырау шалып, консультация ала алады. Бұл ретте, Бағдарламаның шарттары өзгеруі мүмкін болғандықтан, Даму Қорының сайтындағы ақпараттың жаңартылуын қадағалау керек (https://damu.kz/programmi/).
Құрметті Альмира!
Холдинг пен оның еншілес ұйымдарының негізгі міндеті қайтарымдылық және ақылылық негізінде қаржылық қолдау шараларын ұсыну жолымен мемлекеттік қолдау шараларын және мемлекеттік даму бағдарламаларын іске асыру болып табылады. Холдингтің қолданыстағы инвестициялық саясаты шеңберінде бизнес-гранттар ұсыну қарастырылмаған.
Алайда, Сіз «Бизнестің жол картасы-2025 «мемлекеттік бағдарламасы шеңберінде екінші деңгейдегі банктер арқылы берілген кредиттер бойынша сыйақы мөлшерлемелерін субсидиялау және кредиттерге кепілдік беру түрінде кәсіпкерлікті қаржылық қолдау құралдарын іске асыратын қаржы агенттігі болып табылатын Холдингтің еншілес ұйымы «Даму» кәсіпкерлікті дамыту қоры» АҚ-ға жүгіне аласыз. Кепілдік беру құралы кепілдік қамтамасыз ету жеткіліксіз болған кезде кәсіпкерлік субъектілерін қолдауды болжайды.
«Даму» кәсіпкерлікті дамыту қоры» АҚ қолдау құралдары бойынша толық ақпарат алуға арналған байланыстар: тел: +7 (727) 244 55 66, немесе https://damu.kz/ сайтында
Сонымен қатар, «Еңбек» Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы шеңберінде «Атамекен» ұлттық кәсіпкерлер палатасы жүзеге асыратын «Бастау» жобасына қатыса аласыз. Бұл жоба бизнеспен айналысқысы келетіндерді тегін оқытады. Жоба тренерлері сізге бизнес-жобаны жасауға көмектеседі. Курсты сәтті аяқтаған жағдайда, сіз өз бизнесіңізге грант ала аласыз. Толық ақпаратпен ҰП сайтында https://atameken.kz/kk/pages/832-o-proekte сілтемесі бойынша немесе 1432 байланыс орталығына хабарласу арқылы таныса аласыз.
Құрметті Әділет
«Бәйтерек» холдингі агроөнеркәсіптік кешен саласындағы өзінің еншілес компаниялары арқылы кредит беру және лизинг құралдары арқылы ауыл шаруашылығы тауарын өндірушілерге қаржылық қолдауды қамтамасыз етеді. Қаржыландырудың егжей-тегжейлі шарттарын сіз «Аграрлық несие корпорациясы» АҚ-ның жақын жердегі филиалынан біле аласыз, олар бойынша ақпарат компанияның https://www.agrocredit.kz/main/contacts/affiliates/ сайтында ұсынылған. Лизингтік жобаларды қаржыландыру шарттарын «ҚазАгроҚаржы» АҚ филиалдарынан нақтылауға болады, олар бойынша ақпарат компанияның https://www.kaf.kz/contacts/branches/ сайтында ұсынылған.
Құрметті Шарапат!
«Ұмай» әйелдер ипотекасын «Бәйтерек» холдингінің еншілес ұйымы «Отбасы банк» жүзеге асырады. Осы орайда барлық сұрақтарыңызды «Отбасы банкінің» жергілікті филиалдарының бірінде немесе call орталығына (300, +7 (727) 330-9-300) қоңырау соғып, қойған дұрыс деп есептейміз.
Құрметті Сайлау!
Мал шаруашылығын дамытуға кредиттерді «Бәйтерек» холдингінің еншілес компаниясы «Аграрлық несие корпорациясы» АҚ-дан алуға болады. Кредит алу шарттары бойынша толық консультация алу үшін компанияның
https://www.agrocredit.kz/main/contacts/affiliates/
сайтында мекенжайлары мен байланыстары көрсетілген компанияның жақын филиалдарына хабарласуға болады.
Құрметті Нұртәліп!
«Нұрлы жер» мемлекеттік бағдарламасы аясында тұрғын үй сатып алу бойынша «Бәйтерек «ҰБХ» АҚ холдингтің еншілес компаниялары – «Қазақстан Тұрғын үй компаниясы» АҚ және «Отбасы банк» АҚ келесі бағдарламаларды жүзеге асырады.
«Қазақстандық тұрғын үй компаниясы» АҚ қарыздардың түрлері
ЖАО кезекте тұрғандармен білім беру және медицина қызметкерлері үшін «Нұрлы жер» бағдарламасы бойынша сатып алу құқығымен жалға беру.
«Отбасы банк» АҚ ипотекалық несие түрлері
«Нұрлы жер» мемлекеттік бағдарламасы (ЖАО кезекте тұрғандар және салымшылар)
· Алғашқы жарна: 20 % бастап
· Несие бойынша мөлшерлемесі: жылдық 5 %
· Мерзімі: 25 жылға дейін
«Шаңырақ» (ЖАО кезекте тұрғандар)
· Алғашқы жарна: 10 % бастап
· Несие бойынша мөлшерлемесі: жылдық 5 %
· Мерзімі: 20 жылға дейін
· Заем сомасы:
«Бақытты отбасы» (көп балалы отбасылар, толық емес отбасылар және мүгедек балалары бар немесе оларды тәрбиелеп отырған отбасылар үшін тұрғын үй)
· Алғашқы жарна:10 % бастап
· Мерзімі: 20 жылға дейін
· Несие бойынша мөлшерлемесі: жылдық 2 %
· Заем сомасы:
o 15 млн теңгеге дейін (Нұр-Султан, Алматы, Шымкент, Атырау, Актау қалалары);
o 10 млн теңгеге дейін (басқа аймақтар)
«Умай» әйелдер ипотекасы (Азия даму банкі)
Өз үйім» («Отбасы банк» АҚ меншікті бағдарламасы)
· Алғашқы жарна: 20% бастап
· Несие бойынша мөлшерлемесі: жылдық 7%
· Тұрғын үй жинақ шарттарының орындалуын ескере отырып, мөлшерлеме: жылдық 3,5 % бастап
· Мерзімі: 20 жылға дейін
· Заем сомасы: 100 млн. теңгеге дейін
«Әскери Баспана» (для военнослужащих и сотрудников СГО)
Стандартты тұрғын үй жинақтары (тұрғын үй заемы)
Аралық тұрғын үй заемы
· Алғашқы жарна: 50% бастап
· Қарыз мерзімі: 25 жылға дейін.
· Несие бойынша мөлшерлемесі: жылдық 7- ден 8,5% дейін кейіннен 5%-ға дейін төмендеуімен
· Несие бойынша мөлшерлемесі: жылдық 5% бастап («Нұрлы жер» мемлекеттік бағдарлама бойынша)
* Аралық қарыз бойынша бастапқы мөлшерлеме сіздің депозитіңіз 3 жасқа толғанға дейін әрекет етеді, содан кейін сіз тұрғын үй заемының шарттарына көшесіз және кредит бойынша мөлшерлеме 5% - ға дейін төмендейді
Алдын-ала тұрғын үй заемы
· Алғашқы жарна: 20% бастап
· Қарыз мерзімі: 25 жылға дейін.
· Несие бойынша мөлшерлемесі: жылдық 7% бастап ( «Өз үйім бағдарламасы бойынша) *
· Несие бойынша мөлшерлемесі: жылдық 5% бастап («Нұрлы жер» мемлекеттік бағдарлама бойынша)
· Тұрғын үй жинақ шарттарының орындалуын ескере отырып, мөлшерлеме: жылдық 3,5 % бастап
* Мемлекеттік бағдарламалар және «Отбасы банк» АҚ «Өз үйім» жеке бағдарламасы шеңберінде ғана
Құрметті Айбек!
«Бәйтерек» ҰБХ» АҚ Сіздің өтінішіңізді қарап, келесіні хабарлайды.
«Қазақстан Республикасындағы тұрғын үй құрылысы жинақ ақшасы туралы» 2000 жылғы 7 желтоқсандағы №110 ҚР Заңына (бұдан әрі – ТҚЖ туралы Заң) сәйкес «Отбасы банк» АҚ (бұдан әрі - Банк) тұрғын үй жағдайларын жақсарту мақсатында қарыздардың мынадай түрлерін ұсынады:
- Тұрғын үй қарызы;
- Алдын ала тұрғын үй қарызы;
- Аралық тұрғын үй қарызы.
Тұрғын үй қарызы – ТҚЖ туралы Заңға және банктік қарыз беру туралы ТҚЖ туралы шарттардың талаптарына сәйкес салымшыға берілетін нысаналы қарыз.
Тұрғын үй қарызын алу келесі талаптар бір мезгілде орындалған жағдайда мүмкін болады:
- бағалау көрсеткішінің ең төменгі мәніне жету (кемінде 16);
- шарттық соманың кемінде 50% мөлшерінде ТҚЖ жинақтау;
- Банктің тиісті талабын, қажетті қамтамасыз етуді ұсыну;
- Банктің ішкі құжаттарына сәйкес клиенттің төлем қабілеттілігін растауы.
Алдын ала тұрғын үй қарызы – қалдық ТҚЖ туралы Заңға, Банктің ішкі кредит саясатына және банктік қарыз шартының талаптарына сәйкес шарттық соманың есебінен өтелетін шарттық соманы алғанға дейін негізгі борышты өтеу талабынсыз, тұрғын үй жағдайларын жақсарту мақсатында шарттық сома шегінде салымшыға берілетін нысаналы қарыз.
Алдын ала тұрғын үй қарызы келесі талаптар бір мезгілде орындалған кезде шарттық соманың 100%-ы мөлшерінде беріледі:
- тұрғын үй жағдайларын жақсарту үшін қажетті соманың 0-ден 50%-ға дейінгі мөлшерінде ТҚЖ жинақтарының болуы;
- Банк талаптарына сәйкес келетін қажетті қамтамасыз етуді ұсыну;
- Банктің ішкі құжаттарына сәйкес клиенттің төлем қабілеттілігін растауы.
Алдын ала тұрғын үй қарызы тек мемлекеттік тұрғын үй бағдарламалары, тұрғын үй құрылысының өзге де жобалары шеңберінде беріледі.
Мерзімінен бұрын жинақтаған немесе шарттық соманың 50%-ын енгізген жағдайда Банк клиенттерге аралық тұрғын үй қарызын ұсынады.
Аралық тұрғын үй қарызы – жинақталған ақшаның ең аз қажетті мөлшерін жинақтау талабымен тұрғын үй жағдайларын жақсарту мақсатында салымшыға берілетін нысаналы қарыз, ол бойынша қалдық осы ТҚЖ туралы Заңға, Банктің ішкі кредит саясатына және банктік қарыз шартының талаптарына сәйкес ТҚЖ туралы шарт бойынша шарттық соманың есебінен өтеледі.
Аралық тұрғын үй қарызы шарттық соманың 100% мөлшерінде беріледі.
Өз клиенттерінің қажеттіліктерін қанағаттандыру үшін Банк келесідей аралық қарыз алу мүмкіндігін береді. Мысалы, 20 000 000 теңге шарттық соммамен 143 айлық (аралық қарыз мерзімі 35 ай, тұрғын үй қарызы 108 ай) қарыз мерзімі жасалған жағдайда:
- жылдық 7%-7,5% мөлшерлемесі бойынша қарыз бойынша негізгі борышты өтеумен – 255 220,32 теңге;
- жылдық 7%-8% мөлшерлемесі бойынша қарыз бойынша негізгі қарыз сомасының 50%-ын өтеумен – 260 374,30;
- жылдық 7%-8,5% мөлшерлемесі бойынша 3 жыл ішінде қарыз бойынша негізгі борышты өтеу мерзімін кейінге қалдырумен («Жеңіл» аралық қарызы) – 141 666,67 теңге.
Қарыз бойынша жылдық тиімді сыйақы мөлшерлемесі 7,4%-дан басталады.
Қарызды рәсімдеу алдында клиентке банктің талаптарын түсіндіре отырып, қарыздың сомасын, мерзімін және мақсатын анықтай отырып, қарызды өтеудің алдын ала кестелерін танысу үшін ұсына отырып, консультация жүргізіледі. Клиент қаржылық мүмкіндіктеріне, артықшылықтарына, кредит беру мерзімі бойынша басымдықтарға, тиісінше төлем мөлшеріне және сыйақы мөлшерлемесіне қарай қарыз түрін дербес таңдайды.
Банктік қарыз алуға арналған өтінішке қол қоя отырып, клиент кредит беру мерзімдері туралы және банк белгілеген түрлі әдістермен есептелген алдын ала өтеу кестелерімен танысқанын растайды.
Банктік қарыз шартына жасалатын Төлемдер кестесінде тұрғын үй қарызын алудың болжамды күні көрсетіледі, ол басталған кезде клиент тұрғын үй қарызына өту мақсатында Өтініш беру үшін Банкке жүгінуі қажет. Тұрғын үй қарызын алудың болжамды күні ҚР Заңнамасының талаптарына сәйкес тұрғын үй қарызын беру күніндегі жинақталғн сома негізінде жүйемен автоматты түрде есептеледі.
Тұрғын үй қарызына өту кезінде жинақталған сома (оның ішінде мемлекет сыйлықақысының сомасы және салым бойынша есептелген сыйақы сомасы) аралық тұрғын үй қарызын өтеуге бағытталатын болады және жаңа өтеу кестесі жасалады.
Банктің барлық клиенттеріне бірдей талаптар қойылады, қарыздар беру Банктер туралы Заңның, ҚР тұрғын үй құрылысы жинақтары мәселелері жөніндегі нормативтік құқықтық актілерінің және Банктің ішкі құжаттарының талаптарына қатаң сәйкестікте жүзеге асырылады.
Осылайша, Сіздің өтінішіңізде көрсетілген әділетсіз дәлелдер негізделмеген.
Құрметті Гаухар Ильясқызы!
«Бәйтерек» ҰБХ» АҚ (бұдан әрі-Холдинг) Сіздің өтінішіңізді қарастырып, келесіні хабарлайды.
ҚР Индустрия және инфрақұрылымдық даму министрінің 2022 жылғы 08 ақпандағы №60 бұйрығымен бекітілген «Жеке тұрғын үй қорынан жалға алынған тұрғын үй үшін азаматтардың жекелеген санаттарына төлемдер тағайындау және жүзеге асыру қағидасына» (бұдан әрі - қағида) сәйкес тұрғын үй қатынастары саласындағы уәкілетті орган жергілікті атқарушы органдар қалыптастыратын кезекте тұрғандарды есепке алудың бірыңғай ұлттық ақпараттық жүйесінде тұрған, тұрғын үйге мұқтаждардың тізімі бойынша «Отбасы банк» АҚ (бұдан әрі - Банк) арқылы төленеді.
Өтініш берушілер үшін мынандай негізгі талаптар қойылады:
1) ҚР азаматтығы;
2) отбасының (азаматтың) әрбір мүшесіне шаққандағы соңғы 6 (алты) айдағы жиынтық табысы тиісті қаржы жылына арналған республикалық бюджет туралы Заңмен бекітілген ең төмен күнкөріс деңгейінің 1 еселенген шамасынан аспауы;
Отбасының (азаматтың) жиынтық табысын есептеу кезінде ҚР есепті кезеңде алынған табыс ескеріледі:
еңбекке ақы төлеу түрінде алынатын кірістер, атап айтқанда: еңбекке ақы төлеу жүйесіне сәйкес жалақының барлық түрлері, оның ішінде кесімді, уақытына қарай, сондай-ақ сыйлықақылар, қосымша ақылар, үстемеақылар, сондай-ақ ақшалай нысандағы ынталандырушы және өтемақы төлемдері (қаржыландыру көзіне қарамастан, Қазақстан Республикасының еңбек заңнамасына, сондай-ақ келісімдерге, еңбек, ұжымдық шарттарға және жұмыс берушінің актілеріне сәйкес жұмыскерлерге төленетін ақшалай сомаларды қоса алғанда);
зейнетақы және әлеуметтік төлемдер түрінде алынатын кірістер;
кәсіпкерлік қызметтен түсетін кірістер.
3) «Тұрғын үй қатынастары туралы» ҚР Заңына сәйкес келесі санаттар бойынша баспанаға мұқтаж ретінде есепке қойылып, тұрғын үйге мұқтаж мәртебесін алуы:
1 және 2 топтағы мүгедектер;
мүгедек балалары бар немесе оларды тәрбиелеуші отбасылар; Кәмелетке толғанға дейін ата-анасынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалар;
«Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар, көп балалы отбасылар.
Жергілікті атқарушы органдарда (бұдан әрі - ЖАО) кезекте тұрған тұрғын үйге мұқтаждар есебіне қоюды растау және Банктің тиісті мәртебесінің болуы кезекте тұрғандарды есепке алудың бірыңғай ұлттық ақпараттық жүйесімен интеграциялау арқылы айқындалады.
Жеке тұрғын үй қорынан жалға алынған тұрғын үй үшін төлемдер бюджет қаражаты есебінен 50% және алушымен 50% тепе-теңдік негізде жүзеге асырылады. Сондай ақ, төлемдерді осы Ережеде көзделмеген мақсаттарға пайдалануға болмайды.
Төлемдер мемлекеттік тұрғын үй қорынан, мемлекеттік мекемелер мен кәсіпорындардың тұрғын үй қорынан тұрғын үйді жалға алу кезінде жүзеге асырылмайды.
Жеке тұрғын үй қорынан алушы жалға алған тұрғын үй үшін 1 ш. м. жалдау құнының мөлшері облыстың, республикалық маңызы бар қалалардың және астананың коэффициенттеріне айлық есептік көрсеткіштің жыл сайынғы деңгейі негізінде есептеледі және тиісті күнтізбелік жылдың қаңтарынан желтоқсанына дейін қолданылады.
Сонымен қатар, төлемдерді жүзеге асыру үшін отбасының құрамына қарай жалға алынған тұрғын үйдің жалпы алаңы төмендегідей рұқсат етіледі:
саны 1-ден 3-ке дейінгі отбасы мүшелері үшін - 40 ш. м. артық емес;
саны 4-тен 5-ке дейінгі отбасы мүшелері үшін-60 ш. м. артық емес;
саны 6 және одан көп отбасы мүшелері үшін - 80 ш.м. артық емес.
Төлемдерді тағайындау үшін өтініш беруші (үміткер) Банкке ЭЦҚ арқылы өтініш жасайды:
1) осы қағидаланың 3-қосымшасына сәйкес нысан бойынша жеке тұрғын үй қорынан жалға алынған тұрғын үй үшін төлемдер тағайындауға өтініш;
2) өтініш берушінің (үміткердің)зейнетақы жинақтарының жай-күйі туралы мәліметтерді алу құқығын банкке беру туралы өтініш;
3) Банктің дербес деректерді алуына және өңдеуіне келісім беру;
4) ҚР Заңнамасына сәйкес құқықтық кадастрда кемінде бір жыл мерзімге тіркелген осы қағиданың 4-қосымшасына сәйкес нысан бойынша тұрғын үйді жалдау (жалдау) шарты.
Чтобы ответить на вопрос и опубликовать ответ на сайте в "Вопрос-ответ", перейдите по ссылке: https://baiterek.gov.kz/bitrix/admin/iblock_element_edit.php?IBLOCK_ID=39&type=kz&lang=ru&ID=6545&find_section_section=-1&WF=Y
