«Бәйтерек» холдингі қызмет сапасын жақсарту үшін клиенттерді сауалнамаға қатысуға шақырады

Құрметті клиенттер,

   «Бәйтерек» ҰБХ» АҚ өз клиенттерінің пікірін жоғары бағалайды және тұрақты негізде кері байланыс арқылы көрсетілетін қолдау шараларының тиімділігін арттыруға ұмтылады. Осыған байланысты, 27 мамырдан 10 маусымға дейін Холдинг 2023 жылы қаржылық қолдау алған клиенттердің қанағаттану деңгейін бағалау үшін сауалнама жүргізеді. Сауалнама нәтижелерін «Бәйтерек» ҰБХ» АҚ тобының құралдары шеңберінде мемлекеттік жоспарлау жүйесінің құжаттарын және қолдау көрсету тетіктерін жетілдіру мақсатында Холдинг өңдейтін болады.

Сауалнама жүргізуші - «Standard Expo» ЖШС тәуелсіз сауалнама компаниясы. Олар сізбен телефон қоңыраулары және онлайн-сауалнама арқылы байланыса алады.

Егер сізбен сауалнама компаниясы хабарласқан болса, www.ujo.kz сілтемесі арқылы онлайн сауалнаманы өту үшін қажетті кодты ала аласыз.

Қауіпсіздік мақсатында Холдинг сауалнама жүргізетін компания анонимді негізде сауалнама жүргізетінін және коммерциялық және/немесе банктік құпияны құрайтын жеке деректерді сұратпайтынын атап өтеді.

Уақыт бөлгеніңіз үшін рахмет.

Құрметпен,

«Бәйтерек» холдингі