Қазақстан Республикасының агроөнеркәсіптік кешенін дамытудың 2021 – 2030 жылдарға арналған тұжырымдамасы

Қазақстан Республикасының агроөнеркәсіптік кешенін дамытудың 2021 – 2030 жылдарға арналған тұжырымдамасы

Қазақстан Республикасы Үкіметінің 2021 жылғы 30 желтоқсандағы № 960 Қаулысы

Тұжырымдама паспорты

Атауы	Қазақстан Республикасының агроөнеркәсіптік кешенін дамытудың 2021 – 2030 жылдарға арналған тұжырымдамасы (бұдан әрі - АӨК дамыту тұжырымдамасы)
Іске асыру мерзімдері	2021 – 2030 жылдар
Әзірлеуші мемлекеттік орган	Қазақстан Республикасының Ауыл шаруашылығы министрлігі
Нысаналы индикаторлар	1) ауыл шаруашылығындағы еңбек өнімділігін 2020 жылмен салыстырғанда 3 есе арттыру; 2) бидайдың өнімділігі 2030 жылы - 20 ц / га; 3) 2030 жылы ауыл шаруашылығы техникасын жаңарту деңгейі - 7 %; 4) 2030 жылы отандық тұқымдармен қамтамасыз ету деңгейі - 80%-ға дейін; 5) 2030 жылы ғылыми негізделген нормадан минералды тыңайтқыштарды енгізу - 40 %-ға дейін; 6) азық-түлік тауарларымен (оның ішінде әлеуметтік маңызы бар) қамтамасыз ету деңгейі кемінде 90 %; 7) 2030 жылы өз өндірісінің негізгі азық-түлік тауарларымен өзін-өзі қамтамасыз ету: алма - 100%, шұжық өнімдері - 100 %, ірімшік және сүзбе - 100%, қант - 83%, құс еті -100 %; 8) агроөнеркәсіптік кешен өнімдерінің экспортын 2020 жылмен салыстырғанда 3 есеге ұлғайту; 9) 2030 жылы АӨК экспортының жалпы көлеміндегі қайта өңделген өнімнің үлесі - 70 %; 10) ауыл шаруашылығына негізгі капиталға тартылған инвестициялар көлемінің 4,2 есе өсуі; 11) тамақ өнімдерін өндіруге негізгі капиталға тартылған инвестициялар көлемінің 3,4 есе өсуі; 12) ауыл, орман және балық шаруашылығындағы бақыланбайтын (көлеңкелі) экономиканың үлесі - ЖІӨ-де 0,5 %; 13) ауыл шаруашылығы алқаптары құрамындағы эрозияға ұшыраған жерлердің ауданы 2030 жылы жердің жалпы алаңына - 28,4 млн га; 14) іске асырылған инвестициялық жобалар саны - 2030 жылға қарай 1525; 15) АӨК-де инвестициялық жобалар шеңберінде жұмыс орындарын құру - 2030 жылға қарай 44 мың (26,4 мың тұрақты және 17,6 мың уақытша); 16) ауыл халқының табысын арттыру бойынша тәжірибені масштабтау шеңберінде жұмыс орындарын құру - 2029 жылға қарай 350 мың; 17) 2030 жылы АӨК-де енгізілген аяқталған ғылыми әзірлемелердің үлесі - 40 %; 18) 2030 жылы су үнемдеу технологияларын (тамшылатып суару, бүрку) қолдана отырып, жер көлемі - 750 мың га; 19) 2030 жылы тұқымдық түрлендірумен қамтылған аналық мал басының үлесі – 43 %.
Күтілетін нәтижелер	Ауыл шаруашылығы мен ауыл шаруашылығы тауарын өндірушілер үшін қажетті инфрақұрылымды, оның ішінде логистика объектілері мен шағын өндірістерді құру. Ет, жеміс-жидек, көкөніс, қант, дәнді дақылдар, майлы дақылдар, сүт өнімдерін өндіру және өңдеу бойынша жеті ірі экожүйені қалыптастыру. Пайдаланылмайтын учаскелерге салық жүктемесін ұлғайта отырып, ауыл шаруашылығы мақсатындағы жерлерді тиімді пайдалану. Егіс алқаптарының құрылымын әртараптандыру бойынша жұмысты жеделдету, топырақты мелиорациялау және рекультивациялау тәсілдерін жаңғырту. Ауыл шаруашылығы өндірушілерінің кооперациясын дамытуды ынталандыру жөніндегі тетіктерді енгізу – өңірлік азық-түлік хабтары.

Холдингтің еншілес және тәуелді компанияларының тұжырымдаманы іске асыруға қатысуы

Холдингтің еншілес және тәуелді компаниялары бюджеттік, меншікті және тартылған қаражат есебінен қаржылық қызметтер көрсету арқылы АӨК дамыту тұжырымдамасын іске асыруға қатысады. АӨК дамыту тұжырымдамасын іске асыруды 2021 жылғы наурызда Холдингке қосылған «ҚазАгро» ұлттық басқарушы холдингі» АҚ құрылымына кірген Холдингтің мамандандырылған салалық еншілес және тәуелді ұйымдары жүзеге асырады. Бұл компаниялардың банк операцияларының жекелеген түрлерін жүзеге асыруға лицензиясы бар.

«Аграрлық несие корпорациясы» АҚ (бұдан әрі – АНК) инвестициялық жобаларға, көктемгі егіс және егін жинау жұмыстарына кредит беруді жүзеге асырады, АӨК субъектілерін кейіннен қаржыландыру үшін екінші деңгейдегі банктерді, кредиттік серіктестіктерді, микроқаржы ұйымдарын, лизингтік компанияларға қор құяды.

Қаржыландыру сыйақы мөлшерлемелерін субсидиялауды ескере отырып, жылдық 1,5%-дан (егіс және егін жинау науқандарын жүргізуге арналған бюджет қаражаты есебінен) жылдық 6%-ға дейінгі мөлшерлеме бойынша (ауыл шаруашылығы өнімдерін өндіруге және қайта өңдеуге арналған бюджеттен тыс қаражат есебінен) жүзеге асырылады. Кредит беру мерзімі қорландыру көздеріне байланысты 12 жылға дейін.

2021 жылғы желтоқсанда АНК-ға «Ауыл шаруашылығын қаржылай қолдау қоры» АҚ (бұдан әрі – АШҚҚҚ) микрокредиттеу жөніндегі функцияларды, АӨК сақтандыру саласындағы операторды бере отырып қосылды.

«ҚазАгроҚаржы» АҚ (бұдан әрі – ҚАҚ) ауыл шаруашылығы техникасы мен арнайы техниканы лизингке сатып алу бойынша қызметтерді ұсынады.

Мемлекет басшысының тапсырмасын орындау шеңберінде Холдинг 2022 жылғы 25 шілдеде АНК ға ҚАҚ акцияларының 100%-ын берді.

Сатып алынатын техниканың түріне байланысты 10 жылға дейінгі мерзімге субсидиялауды ескере отырып, жылдық 6%-ға дейінгі сыйақы мөлшерлемесі бойынша ауыл шаруашылығы техникасы мен арнайы техниканы лизингке сатып алуға болады. Бұл ретте лизинг алушының мемлекеттен ауыл шаруашылығы техникасы құнының 25%-на дейін мөлшерінде субсидиялар алуға мүмкіндігі бар, ол да аванстық төлемді төлеу шотына жіберілуі мүмкін.

Холдинг компаниялары беретін қарыздардың қаржыландырылатын жобаның салалық ерекшелігіне байланысты негізгі борышты өтеудің жеңілдікті кезеңі болады. Кепіл саясаты екінші деңгейдегі банктермен салыстырғанда клиенттерге адал, ауылдық жерлерде өтімділігі төмен кепіл мүлкін қабылдауға мүмкіндік береді.

Қаржылық қолдау бағдарламаларының шарттары туралы толығырақ ақпаратты аталған компаниялардың Холдингтің сайттарынан немесе компаниялардың жақын филиалдарына хабарласу арқылы алуға болады.

АӨК қаржыландыру

млрд. теңге

	2021 жыл	2022 жыл	2023 жыл	2024 жылдың 1-жартыжылдығы
Қаржыландыру көлемі	464,2	522,3	529,1	407,8
АНК	322,5	351,2	350,3	331,1
ҚАҚ	141,7	171,1	178,8	76,7

АӨК дамыту тұжырымдамасының міндеттері шеңберінде 2024 жылдың 1 жартыжылдығының қорытындысы бойынша АӨК және ҚАҚ аграрлық секторды қаржыландыруға 407,8 млрд. теңге бағыттады, бұл 2023 жылдың ұқсас кезеңін қаржыландыру көлемінен 11,8%-ға артық. Оның ішінде АНК АӨК субъектілерін 331,1 млрд. теңге сомасына, ҚАҚ 76,7 млрд. теңгеге қаржыландырды.

2024 жылдың 1 жартыжылдығында қаржыландырудың жалпы көлемінің 89%-ы шағын және орта кәсіпкерлік субъектілеріне тиесілі. АНК және ҚАҚ кредит портфеліндегі белсенді қарыз алушылардың жиынтық саны шамамен 81 мыңды құрады.

Барлық бағдарламалар