Құрылысты аяқтауға кепілдік алуға өтінімдерді қабылдаудың онлайн қызметі іске қосылды

Бүгін «Бәйтерек» холдингінің еншілес ұйымы «Қазақстан Тұрғын үй компаниясы» АҚ үлестік тұрғын үй құрылысын аяқтау кепілдігін алуға өтінімдер қабылдау бойынша онлайн-сервисті іске қосты.

Құрылыс салушылардың ыңғайлығы және тұрғын үй құрылысына кепілдік алуға келген өтінімдерді қарастыруда ашықтықты қамтамасыз ету мақсатында компания өтініштерді тек онлайн форматта қабылдайтын болады.

Өтінішті онлайн режимінде «Digital Baiterek» – Бірыңғай кәсіпкерлікті қолдау порталының  https://digital.baiterek.gov.kz/ «Қызметтер» - «Құрылыстың аяқталуына кепілдік беру» бөлімінде беруге болады.

Өтінішті қарау мерзімі 20 жұмыс күнін құрайды.

Тұрғын үй құрылысын аяқтауға кепілдік беру қызметі туралы қосымша ақпаратпен осы жерде таныссаңыз болады. (URL: https://digital.baiterek.gov.kz/services/guranteeing001).

Қосымша сұрақтар туындаған жағдайда құрылыс салушылар келесі телефон нөмірі арқылы хабарласса болады: 8 (7172) 79 75 75 іш. 2408 (Далматова Данира Қайыртенқызы).