Депутаттар «Бәйтерек» холдингінің ұжымына ҚР Конституциясына енгізілетін өзгерістерді түсіндірді

Бүгін Парламент Мәжілісінің депутаты Ғазиз Құлахметов пен Нұр-Сұлтан қаласы мәслихатының депутаты Ләззат Разбекова-Төлеуханова «Бәйтерек» холдингі ұжымымен кездесу өткізіп, ҚР Конституциясына енгізілетін өзгерістерді түсіндірді.

-  Өздеріңіз білетіндей, 5 маусымда республикалық референдум өтіп, «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасы қарауға шығарылады. ҚР Конституциясының 33 бабына 56 өзгеріс енгізілмекші. Олардың қатарында стратегиялық өзгерістер мен ұйымдастырушылық рәсімдік нормалар бар, - деді Ғазиз Құлахметов.

Атап айтқанда, өлім жазасын жою, Парламенттің өкілеттіктерін өзгерту, омбудсменнің рөлін күшейту сынды нормалар мен тағы да басқа нормалар сөз болды.

Сонымен қатар, Ләззат Разбекова-Төлеуханова алдағы референдумға қатысты өз ойымен бөлісті.

Депутаттардың сөйлеген сөзінен кейін кездесуге қатысушылар халық қалаулыларына өз сұрақтарын қойып, толық жауаптар алды. Жалпы, кездесуге 104 қызметкер қатысты.