«Бәйтерек» холдингінің Директорлар кеңесі комитетінің отырысында АӨК-ті дамыту жоспары қаралды

Бүгін тәуелсіз директор Филип Йео төрағалығымен «Бәйтерек» ҰБХ» АҚ Директорлар кеңесінің Стратегиялық жоспарлау комитетінің отырысы өтті. Отырыс жұмысына ҚР Ұлттық экономика министрі Әлібек Қуантыров, Холдингтің Басқарма төрағасы Қанат Шарлапаев, Комитет мүшесі, тәуелсіз директор Томас Миров және Холдинг Басқармасының мүшелері қатысты. 

Комитет отырысы барысында «Бәйтерек» холдингінің 2022 жылдың бірінші тоқсанындағы қызметінің нәтижелері туралы есеп қаралды, ҚР Ауыл шаруашылығы министрлігі әзірлеген агроөнеркәсіптік кешенді дамыту жөніндегі іс-шаралар талқыланды. Сондай-ақ, Холдинг АӨК саласындағы еншілес ұйымдарының қызметін дамыту перспективалары бойынша өз ұсыныстарын таныстырды.

Сонымен қатар, Холдинг экспорттық әлеуетті арттыру мақсатында, Комитеттің тапсырмасы бойынша әзірленген шағын бизнес субъектілерінің орта бизнес санатына өту перспективалары жөніндегі іс-шаралар жоспарының орындалуы туралы есеп берді.