Сұрақ-жауап
Шұғыл желі
А А

15.04.2024

«Бәйтерек» ұлттық холдингі Citi өкілдерімен ынтымақтастықты кеңейту мәселесін талқылады

14.12.2021

«Бәйтерек» холдингінде қайырымдылық жәрмеңкесі өтті

«Бәйтерек» холдингінде қайырымдылық жәрмеңкесі өтті

«Бәйтерек» холдингінде «Baiterek – Open Hearts» қайырымдылық жәрмеңкесі өтті, одан түскен қаражат Ана мен бала ұлттық ғылыми орталығында ұзақ уақыт емделіп жатқан балалар үшін жаңа жылдық ертеңгілікті ұйымдастыруға жұмсалады.

DSC_0260.jpg

- «Бәйтерек» холдингі қайырымдылық жәрмеңкесін өткізуді дәстүрге айналдырған. Биылғы жәрмеңке Nur Otan партиясы Есіл аудандық филиалының «Бәйтерек» холдингі» бастауыш партия ұйымының бастамасымен ұйымдастырылып, Қазақстан Тәуелсіздігінің 30 жылдығына орайластырылған. Бұл шара келесі жылы жалғасатын «Игі істер марафоны» акциясының бастауы. Жәрмеңкеден түскен қаражатқа рухани сүйеуге зәру балалар үшін жаңа жылдық мереке ұйымдастырғымыз келеді, - деді Холдинг аппаратының басшысы Дина Акрачкова.

Жәрмеңкеге Холдингтің еншілес ұйымдарының қызметкерлері де қатысты. Онда аспаздық кондитерлік өнімдер, қолдан жасалған бұйымдар, бөлме гүлдері, қысқа сақтауға дайындалған салаттар, қызметкерлер сыйға тартқан қымбат сувенирлер және тіпті еншілес ұйымдар қолдау көрсеткен жобалардың өнімдері ұсынылды.

DSC_0264.jpg

- Қайырымдылық көрмесі – «Бәйтерек» холдингінің тамаша идеясы. Жәрмеңкеге өзіміз қолдан жасаған бұйымдар мен дайындаған тәтті-дәмділерді қойдық. Сондай-ақ, Аграрлық несие корпорациясы қаржыландырған компания өз өнімдерін әкелді. Бүгінде олар қазақстандықтар үшін жоғары сапалы бал шығарумен айналысады, - деді «Аграрлық несие корпорациясы» АҚ қызметкері Әйгерім Әбенова.

DSC_0307.jpg

- Түскен барлық қаражат ауыр дертке шалдыққан балаларға жаңа жылдық шырша ұйымдастырып, сыйлықтар алуға жұмсалатындықтан, Қазақстан тұрғын үй компаниясының қызметкерлері жәрмеңкеге қатысуға қуана келісті. Өздері кондитерлік өнімдер мен тәттілер, түрлі сыйлықтар дайындап ат салысты, - деп атап өтті «Қазақстан Тұрғын үй Компаниясы» АҚ Персоналмен жұмыс департаментінің бас маманы Ақмарал Қарпықбаева.

DSC_0258.jpg

Жәрмеңкеден 1 млн 300 мың теңге қаражат түсті. Холдингтің волонтерлары аниматорлар шақырып, балаларға жаңа жылдық ертеңгілік ұйымдастыру туралы Ғылыми-медициналық орталықтың әкімшілігімен келісті.

Қосымша жаңалықтар

іс-шаралар
күнтізбесі

?

Іздегеніңізді
таппадыңыз ба?

  • Қазақстан Республикасы Президентінің ресми интернет-ресурсы
  • Қазақстан Республикасы Парламентінің ресми интернет-ресурсы
  • Қазақстан Республикасы Премьер-Министрінің ресми ақпараттық ресурсы
  • Қазақстан Республикасы Ұлттық экономика министрлігінің ресми интернет-ресурсы
  • Қазақстан Республикасы Өнеркәсіп және құрылыс министрлігінің ресми интернет-ресурсы
  • Қазақ тілінің қолданылу аясын кеңейтуге бағытталған электронды ресурстар