Сұрақ-жауап
Шұғыл желі
А А

19.07.2024 19:45:00

«Бәйтерек» Jańa Dala / Green Day 2024 халықаралық көрмесінде агроөнеркәсіптік кешенді қаржыландыратын бағдарламаларды ұсынды

11.05.2022

«Бәйтерек» холдингі ҚР Президентінің қатысуымен өткен қазақ-түрік дөңгелек үстеліне қатысты

«Бәйтерек» холдингі ҚР Президентінің қатысуымен өткен қазақ-түрік дөңгелек үстеліне қатысты

«Бәйтерек» ҰБХ» АҚ Басқарма төрағасы Қанат Шарлапаев ағымдағы жылғы 10-11 мамыр аралығында Қазақстан Республикасының Президенті Қасым-Жомарт Тоқаевтың Анкараға мемлекеттік сапары аясында өткізілген іс-шараларға қатысты.

 kz3-0712-2.jpg

Атап айтқанда, Мемлекет басшысының төрағалығымен қазақ-түрік дөңгелек үстелі өтті. Қасым-Жомарт Тоқаев елімізде инвесторлар үшін қолайлы және заманауи институционалдық орта қалыптасқанын атап өтіп, басым инвестициялық жобаларды барынша қолдауға дайын екенін айтты.

Сондай-ақ, Қазақстанда түрік кәсіпкерлері іске асыратын ірі инвестициялық жобалардың таныстырылымы болды.

Сонымен қатар, Қанат Шарлапаев Мемлекет басшысының Yildirim Group, Sembol және TAV Holding сынды түрік серіктестермен өткізген екіжақты кездесулеріне қатысты.

KOS_2114.JPG

KOSGEB Президенті Хасан Башри Куртпен кездесу

Сондай-ақ, Қ. Шарлапаев кездесу өткізіп, Түркияның шағын және орта кәсіпкерлікті қолдайтын ірі мемлекеттік ұйымы «Шағын және орта кәсіпорындарды дамыту ұйымы» (KOSGEB) мен «Даму» кәсіпкерлікті дамыту қоры» АҚ («Бәйтерек» холдингінің еншілес ұйымы) арасындағы Өзара түсіністік туралы меморандумға қол қою рәсіміне қатысты.

 - «Бәйтерек» холдингі экономиканың шикізаттық емес секторларындағы бірлескен жобаларды іске асыру үшін өзінің еншілес ұйымдары арқылы қолда бар құралдарды түрік инвесторларына ұсынуға дайын, - деп атап өтті Холдинг басшысы.

«Даму» қоры тарапынан Басқарма төрағасы Гаухар Бөрібаева, түрік ұйымы тарапынан KOSGEB Президенті Хасан Башри Курт мырза Меморандумға қол қойды.

IMG-20220511-WA0002.jpg

Қол қойылған меморандум микро, шағын және орта бизнес субъектілеріне қолдау көрсету бойынша тәжірибе алмасу, қазақстандық кәсіпкерлер үшін Түркияда B2B іс-шараларын өткізу, сондай-ақ кәсіпкерлерге қолдау көрсету бағытындағы озық тәжірибе мен табысты практикаларды зерделеу мақсатында өзара тағылымдамалар ұйымдастыру арқылы қалыптасқан өзара тиімді ынтымақтастықты жалғастыруды көздейді.

- «Даму» қоры мен KOSGEB арасындағы институционалдық қатынастар 2011 жылы орнатылғанын атап өткен жөн. Содан бері біз түрік серіктестерімізбен белсенді жұмыс істеп келеміз. Мысалы, ағымдағы жылдың 20-22 мамыры аралығында KOSGEB, алдыңғы жылдардағыдай, Нұр-Сұлтанда жыл сайын өтетін қазақстандық өндірушілердің Ulttyq Onim көрмесіне қатысады. Қол қойылған құжат шеңберінде біздің ұйымдар іс жүзінде өзара іс-қимыл жүргізетін болады, осылайша кәсіпкерлікті мемлекеттік қолдау шараларының тиімділігі арттырылады, - деп атап өтті Г. Бөрібаева

 Жалпы, түрік әріптестермен кездесулер аясында тараптар инвестицияларды дамыту және бизнесті қолдау саласындағы әрі қарайғы стратегиялық ынтымақтастық мәселелерін талқылады.

Қосымша жаңалықтар

іс-шаралар
күнтізбесі

?

Іздегеніңізді
таппадыңыз ба?

  • Қазақстан Республикасы Президентінің ресми интернет-ресурсы
  • Қазақстан Республикасы Парламентінің ресми интернет-ресурсы
  • Қазақстан Республикасы Премьер-Министрінің ресми ақпараттық ресурсы
  • Қазақстан Республикасы Ұлттық экономика министрлігінің ресми интернет-ресурсы
  • Қазақстан Республикасы Өнеркәсіп және құрылыс министрлігінің ресми интернет-ресурсы
  • Қазақ тілінің қолданылу аясын кеңейтуге бағытталған электронды ресурстар