Қазақстан Тұрғын Үй Компаниясы «Орда» ипотекалық бағдарламасы бойынша қарыз беруді тоқтатады

2021 жылғы 1 қазаннан бастап «Орда» жеке ипотекалық несиелендіру бағдарламасының аясында жобаларды қаржыландыру 2021 жылдың соңына дейін тоқтатылады. 2021 жылдың 1 қазанына дейін қарауға келіп түскен өтінімдер Компанияның ішкі құжаттарында көзделген тәртіппен қаралатын болады.

«Орда» бағдарламасын жыл сайын жоспарлы қаржыландыру 13,8 млрд теңгені құрайды және «Қазақстан Тұрғын Үй Компаниясы» АҚ өз қаражаты есебінен жүзеге асырылады. 2021 жылғы 1 қыркүйектегі жағдай бойынша жоспарлы көрсеткіштер 4,1 млрд теңгеге асты. Осыған байланысты Компания жеке тұлғалардан өтінімдерді қабылдауды тоқтатады.

«Орда» ипотекалық несиелендіру бағдарламасы 2018 жылдың қазан айында іске қосылды және тұрғын үй құнының 30%-ы көлемінде бастапқы жарнамен немесе бастапқы жарнаны қосымша кепілмен ауыстыру мүмкіндігімен 20 жылға дейінгі мерзіммен жылдық 12% (табысты толық растаған кезде) және 14% (табысты ішінара растаған кезде) мөлшерлемесімен бастапқы және қайталама нарықтарда тұрғын үйді сатып алу үшін ипотекалық қарыз беруді көздейді. Қарыз сомасы Алматы және Нұр-Сұлтан қалалары үшін 1-ден 65 млн теңгеге дейін, Қазақстанның басқа өңірлері үшін 1-ден 45 млн теңгеге дейін құрайды. Өтінімдерді қабылдау және қарыздарға одан әрі қызмет көрсету серіктес банктер - «Еуразиялық банк» АҚ, «First Heartland Jýsan Bank» АҚ, «Банк ЦентрКредит» АҚ арқылы жүзеге асырылады.

2018 жылдың қазан айынан бастап 2021 жылдың 1 қыркүйегіне дейін «Орда» бағдарламасы бойынша 70 млрд теңгеден астам сомаға 5 271 өтінім алынды. Оның ішінде 49,4 млрд теңге сомасына 3 838 өтінім мақұлданды.