Әлемдік экспорттық қаржыландыру көшбасшылары Астанада Берн одағының көктемгі отырысының екінші күнінде дамудың ұзақ мерзімді стратегияларын талқылауда

Қазақстан астанасында Берн одағының (Кредиттерді және инвестицияларды сақтандырушылардың халықаралық одағы) көктемгі отырысы жалғасуда. Делегаттар жұмысының үшінші күні орта және ұзақ мерзімді сақтандыру (MLT) мәселелеріне, сондай-ақ жаңа және дамып келе жатқан экспорттық-кредиттік агенттіктерді (ЭКА) біріктіретін Прага клубы комитетінің қызметіне арналды.

Биылғы кездесуге қабылдаушы тарап «Бәйтерек» ұлттық инвестициялық холдингінің құрылымына кіретін Қазақстанның Экспорттық-кредиттік агенттігі, ол іс-шараны ұйымдастырушы ғана емес, сонымен қатар Берн одағының құрылымдарындағы тең төраға. Бұл әлемдік қоғамдастықтың Қазақстанның қаржы институттарына деген жоғары сенімін және олардың Ұлы Жібек жолы кеңістігіндегі тәуекелдерді басқарудағы сарапшылық рөлін мойындауын көрсетеді.

MLT комитеті аясындағы күннің басты оқиғасы «Орталық Азия үшін стратегиялық бетбұрыс па?» атты панельдік пікірталас болды. Қатысушылар геосаяси өзгерістер аймақты Қытайды, ЕО-ны және көршілес нарықтарды байланыстыратын маңызды хабқа қалай айналдырып жатқанын талқылады.

Қабылдаушы тараптан негізгі спикер ретінде «Бәйтерек» холдингі Басқарма төрағасының орынбасары Жандос Шайхы сөз сөйледі. Ол Азия инфрақұрылымдық инвестициялар банкі (AIIB) және ЕҚДБ өкілдерімен болған пікірталас барысында Қазақстанның өңірлік байланысты нығайтудағы және маңызды минералдарды өндіру мен инфрақұрылымдық жобаларға инвестиция тартудағы рөлін атап өтті.

«Орталық Азия бүгінде жаһандық сауда, энергетикалық және азық-түлік қауіпсіздігі, сондай-ақ халықаралық логистика үшін барған сайын маңызды өңірге айналып келеді. Қазақстан бұл кезеңді тек геосаяси сәт ретінде ғана емес, ауқымды экономикалық трансформацияға жол ашатын мүмкіндік ретінде қарастырады. Біз еліміз бен өңірді Еуропа мен Азия арасындағы болашақ өндірістік және инфрақұрылымдық хаб ретінде көреміз», - деп атап өтті Жандос Шайхы.

Форумның іскерлік бағдарламасы аясында «Бәйтерек» холдингінің басқарушы директоры Сәкен Олжабаев жаһандық сауда ағындарының трансформациясы мен халықаралық саудадағы тәуекелдерді басқарудың жаңа тәсілдерін талқылауға қатысты. Пікірталас барысында Орталық Азия мен Транскаспий халықаралық көлік бағытының рөлінің артуына, сондай-ақ экспорттық-кредиттік агенттіктердің дәстүрлі «елдік тәуекел» моделінен логистикалық, санкциялық және транзакциялық тәуекелдерді кешенді бағалау тәсіліне көшуіне ерекше назар аударылды. Қатысушылар сондай-ақ халықаралық инвесторлардың Қазақстанға жаңа өндірістерді, логистиканы және шикізаттық емес экспортты дамыту алаңы ретінде қызығушылығының артып келе жатқанын талқылады.

Сонымен қатар, Прага клубы комитетінің (PCC) отырысы өтті. Оған PCC төрағасының орынбасары және «Қазақстанның Экспорттық-кредиттік агенттігі» АҚ Басқарма төрағасының орынбасары Аян Бектыбаева модераторлық етті. Комитет отырыстары аясында шағын және орта бизнесті қолдау тетіктері, сондай-ақ цифрлық технологияларды енгізу мәселелері талқыланды. Делегаттар ЭКА-лардың жыл сайын 70-тен астам инновацияны, соның ішінде андеррайтингті жеделдету үшін жасанды интеллект (LLM) негізіндегі құралдарды енгізу арқылы «ақылдырақ» бола түскенін атап өтті.

«Жергілікті экспорттаушылар және Қазақстанның Экспорттық-кредиттік агенттігі экожүйесі» атты сессиясында қазақстандық бизнес көшбасшылары нақты кейстерін таныстырды:

Спикерлер Қазақстанның Экспорттық-кредиттік агенттігінің жас компанияларға жаңа нарықтарға шығуға және тәуекелдерді басқаруға қалай көмектесетінін, сондай-ақ экспорттаушылар үшін цифрлық экожүйе құрудағы мемлекеттік институттардың рөлін талқылады.

«Берн одағының тең төрағалары және қабылдаушы тарап ретінде біз экспорттық кредиттеу индустриясының трансформация кезеңінде тұрғанын көріп отырмыз. Біздің міндетіміз – тек тәуекелдерді сақтандыру ғана емес, экспорттаушыларды қолдаудың интеллектуалды экожүйесін құру. Прага клубы аясындағы тәжірибе алмасу Қазақстанның шикізаттық емес экспортын ынталандыру үшін үздік әлемдік тәжірибелерді жедел бейімдеуге мүмкіндік береді» - деп атап өтті Қазақстанның Экспорттық-кредиттік агенттігі Басқарма төрағасының орынбасары Аян Бектыбаева.

Сонымен қатар, Қазақстанның Экспорттық-кредиттік агенттігі Қысқа мерзімді сақтандыру комитетінің құрамына үміткер болып табылады. Бұл халықаралық интеграцияның сапалы жаңа деңгейіне өту және Қазақстан агенттігінің жаһандық сарапшылық қоғамдастықтың толыққанды мүшесі ретінде тану ретінде бағаланады.

Күн тәртібінің жеке бір бөлігі «Қазақстанның Даму Банкі» АҚ қызметіне арналды. Форум аясында ҚДБ Кореяның сауданы сақтандыру корпорациясы K-SURE-мен меморандумға қол қойды. Құжат Қазақстандағы кореялық технологиялар мен инвестицияларға байланысты жобаларды қаржыландыру үшін он-лендинг бағдарламасын іске қосуды көздейді. Ынтымақтастықтың басым бағыттары ретінде логистика, энергетика, өңдеуші өнеркәсіп және «жасыл» технологиялар айқындалды.

Қазақстанның Даму Банкінің Басқарма төрағасы Марат Елібаев MLT комитетінің сессиясында сөз сөйлеп, тау-кен өндіру саласындағы саяси тәуекелдерді сақтандыру тетіктері және Банктің инфрақұрылымдық әрі өңдеу жобаларына жеке инвестицияларды тартудағы рөлі туралы айтты.

Форумның алғашқы күндерінде Қазақстанның Экспорттық-кредиттік агенттігі мен ірі халықаралық қаржы институттары – Türk Eximbank, Saudi EXIM Bank, BAEZ және ASHRA арасында стратегиялық келісімдер жасалды, сондай-ақ B2B форматындағы екіжақты кездесулер сериясымен пленарлық отырыс өтті. Форум жұмысы 13-14 мамырда бейінді комитеттер мен Прага клубының кездесулері аясында жалғасады.

Талқылаулар қорытындысы бойынша одақтың келесі отырысын Токио (Жапония) қабылдайтыны ресми түрде жарияланды.