"Бәйтерек" холдингінің қызметкерлері Астана күні қарсаңында марапатталды

Мемлекеттік мереке – Астана күні қарсаңында "Бәйтерек" холдингінің Басқарма төрағасы Айдар Әріпханов Холдинг қызметкерлерін марапаттады.

Осылайша, "Еңбек ардагері" медалімен Бухгалтерлік есеп және есептілік департаментінің бас маманы Нұркулянда Мұсаинова марапатталды. Нүркулянда Заитқызы осы салада 40 жылдан астам уақыт жұмыс істеп келеді, оның ішінде 25 жыл салық органдарында түрлі лауазымдарды атқарды. "Бәйтерек" холдингінде ол құрылған күнінен – 2013 жылғы 1 шілдеден бастап адал еңбек етуде.

Сонымен қатар, ҚР Ұлттық экономика министрлігінің Құрмет грамотасымен Операциялық қызмет департаментінің директоры Данияр Қожанов, ал Құқықтық қамтамасыз ету департаментінің бас менеджері Минара Есенова Ұлттық экономика министрінің алғыс хатымен марапатталды.

Сөз соңында Айдар Әріпханов марапатталғандарға компанияның дамуы мен ел экономикасының игілігі жолындағы жемісті еңбегі үшін алғыс білдірді.