19.12.2024
- Холдинг туралы
2024 жылғы 21 ақпанда «Бәйтерек» ұлттық басқарушы холдингі» АҚ-да Стратегиялық жоспарлау комитетінің отырысы өтті.
Отырыста 2021-2023 жылдарға арналған цифрландыру стратегиясын іске асыру мәселелері және агроөнеркәсіптік кешен жобаларын қаржылық қолдау шеңберінде клиенттердің ризашылығын зерттеу нәтижелері бойынша аналитикалық ақпарат қаралды.
Цифрландыру стратегиясы шеңберінде Холдинг кредит беру, субсидиялау, лизинг, сақтандыру, кепілдік беру және инвестициялау салаларындағы қызметтерді автоматтандыру мен цифрландыруда елеулі табыстарға қол жеткізді. 2023 жылы Бизнесті қолдаудың бірыңғай порталы – www.bgov.kz енгізілді. Портал микро кәсіпкерліктен бастап ірі бизнеске дейінгі барлық санаттағы кәсіпкерлік субъектілерінің қаржылық қолдау алу процесін жеңілдету мақсатында әзірленді. Сондай-ақ «QazTrade» АҚ, «Отбасы банк» және «KAZAKH INVEST» сынды негізгі әріптестермен интеграция іске асырылды.
Клиенттердің ризашылығын зерттеу нәтижелері Аграрлық несие корпорациясы мен ҚазАгроҚаржы ұсынатын қызметтерге жоғары деңгейде риза екенін көрсетті.
Сонымен қатар, клиенттерге қызмет көрсету сапасын одан әрі жақсартатын бастамалар, нақты айтқанда Холдингтің қызметтеріне қол жеткізуді жеңілдетуге бағытталған Telegram-bot арқылы мобильдік қосымшаларды іске қосу және өтінімдерді қабылдау ұсынылды.
Сондай-ақ, отырыста халықаралық ынтымақтастық мәселелері және Холдинг қызметінің 2023 жылғы нәтижелері қаралды.