«Бәйтерек» Холдингінде AWS қатысуымен бұлтты технологиялар және жасанды интеллект бойынша білім беру сессиясы өтті

29 сәуірде «Бәйтерек» ұлттық инвестициялық холдингі» АҚ-да Amazon Web Services (AWS) өкілдерінің қатысуымен білім беру сессиясы өтті. Сарапшылар шешім сәулетшісі Антон Карташов пен аккаунт-менеджері Юрий Колочинский болды.

Іс-шара заманауи бұлттық технологияларға, жасанды интеллектке және AWS қызметтерін корпоративтік ортада практикалық қолдануға арналды. Бірінші бөлімде қатысушылар AWS платформасының негізгі мүмкіндіктерімен, соның ішінде негізгі бұлттық қызметтермен, шешім архитектурасын құру тәсілдерімен және қауіпсіздік пен сәйкестік құралдарымен танысты. AWS AI қызметтеріне және оларды бизнес-процестерді автоматтандыру, деректерді талдау және ақылды шешімдер жасау үшін пайдалану сценарийлеріне ерекше назар аударылды.

Сессияның екінші бөлімінде Amazon Bedrock-пен жұмыс істеу бойынша практикалық техникалық воркшоп өтті. Қатысушылар генеративті жасанды интеллект құралдарын зерттеді, оларды біріктіру принциптерін қарастырды және қолданбалы есептерді шешуде платформаның мүмкіндіктерін сынады.

«Бәйтерек» Холдингінің Цифрландыру департаментінің директоры Ержан Жақыпов:

«Заманауи бұлтты шешімдер мен жасанды интеллект құралдарын енгізу Холдингтің цифрлық трансформациясының маңызды бағыты болып табылады. Мұндай білім беру бастамалары біздің қызметкерлерімізге өзекті білім алып қана қоймай, бизнес-процестердің тиімділігін арттыру және инновациялық шешімдерді әзірлеу үшін қажетті практикалық дағдыларды қалыптастыруға мүмкіндік береді».

Білім беру сессиясын өткізу Холдинг қызметкерлеріне бұлтты технологиялар және жасанды интеллект саласындағы білімдерін тереңдетуге, сондай-ақ заманауи цифрлық құралдармен жұмыс істеудің практикалық тәжірибесін алуға мүмкіндік берді.