«Бәйтерек» холдингі «Туған жерге тағзым» форумына қатысты

14 желтоқсанда Алматы қаласында «Бәйтерек» холдингі «Туған жерге тағзым» өңірлік инвестициялық форумына қатысты.

Өткізілген форум шеңберінде Басқарма төрағасының орынбасары Нұрболат Айдапкелов «Бәйтерек» ҰБХ» АҚ көрсететін қолдаудың негізгі құралдарын таныстырды.

Өңірдің инвестициялық әлеуетін дамыту бойынша өзекті мәселелерді мемлекеттік органдардың, ұлттық компаниялардың, ірі бизнес пен сараптамалық ұйымдардың өкілдері талқылады.

«Бәйтерек бизнес өкілдерінің іскерлік бастамалары бойынша сенімді серіктес болуға және қаржыландыру мәселелерінде ғана емес, сонымен қатар жобаларды құрылымдауда да қолдау көрсетуге дайын»,- деп атап өтті Нұрболат Айдапкелов өз сөзінде.

Инвестициялық форумда IT - жобалар, туризм бойынша жобалар, сондай-ақ Start-up жобалары таныстырылған көрме өтті.