Экран дикторы19.05.2025
- Холдинг туралы
Кеңес ал!
17 мамыр күні «Бәйтерек» ұлттық басқарушы холдингінің қызметкерлері Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» экологиялық акциясы аясында өткен сенбілікке қатысты.
Холдинг өкілдері Нұра-Есіл каналы бойындағы — Ұлы Дала даңғылынан «Нова Сити Южный» тұрғын үй кешеніне дейінгі аумақты тазалады. Акцияның мақсаты - экологиялық жағдайды жақсарту, қалалық кеңістіктерді абаттандыру және көгалдандыру.
«Экологиялық күн тәртібі еліміздің орнықты дамуы үшін аса маңызды. Мұндай акцияларға қатысу — азаматтық жауапкершіліктің көрінісі ғана емес, сонымен қатар таза әрі қауіпсіз болашаққа қосылған нақты үлес», — деді «Бәйтерек» холдингінің Аппарат басшысы Дина Акрачкова.
2023 жылы басталған «Таза Қазақстан» бастамасына осы уақытқа дейін 6 миллионнан астам адам қатысқан. Ел аумағында 1,6 миллионға жуық жасыл көшет отырғызылып, 5,8 миллион шаршы метрден астам жағалау аумақтары тазартылды, 1,1 миллион тоннадан астам қалдық жиналды.
