«Бәйтерек» холдингі қолжетімді тұрғын үй құрылысы мәселелері бойынша интернет-конференция өткізеді

2025 жылғы 19 тамызда сағат 15:00-ден 18:00-ге дейін Электрондық үкімет порталындағы «Ашық диалог» бөлімінде «Қолжетімді тұрғын үй құрылысы мәселелері» тақырыбында «Бәйтерек» ҰБХ» АҚ Басқарушы директоры Нияз Көшкімбаевтың қатысуымен интернет-конференция өтеді.

Пайдаланушылар тұрғын үй блогына қатысты келесі бағыттар бойынша сұрақтарын жолдай алады:

• жинақтаушы тұрғын үй жүйесі;
• ипотекалық несиелеу;
• тұрғын үйді жалға беру;
• мемлекеттік субсидиялау.

«Халықты тұрғын үймен қамтамасыз ету» бағыты бойынша Холдингтің құрылымында азаматтарды тұрғын үймен қамтамасыз етуге арналған мемлекеттік және нарықтық құралдарды жүзеге асыратын екі еншілес ұйым бар — «Отбасы банк» АҚ және «Қазақстан тұрғын үй компаниясы» АҚ.

Сұрақ қою және қатысу сілтемесі: https://dialog.egov.kz/conference/5448