«Бәйтерек» холдингі Өнеркәсіпті дамыту қорының стратегиялық сессиясын өткізді

Бүгін «Бәйтерек» ұлттық басқарушы холдингі» АҚ-да «Өнеркәсіпті дамыту қоры» АҚ-ның (ӨДҚ) стратегиялық сессиясы өтті. Сессияда Қор қызметінің негізгі нәтижелері, сондай-ақ оны дамытудың стратегиялық бағыттары туралы баяндама ұсынылды.

Қор құрылған сәттен бастап өңдеуші өнеркәсіптегі, сондай-ақ көлік құралдары мен инфрақұрылымды жаңарту саласындағы жобаларды қаржыландыруды ұсына отырып, Қазақстанның өнеркәсіптік әлеуетін дамытуды белсенді қолдауда.

Қор жұмыс істеген уақыт ішінде өңдеу өнеркәсібінде 1 480 млн АҚШ доллары сомасына 82 жоба қаржыландырылды, оның ішінде 2024 жылы 32 жоба қаржыландырылды. Отандық өндірушілерді белсенді қолдау, сондай-ақ қоқыс өңдеу, коммуналдық инфрақұрылым және шұғыл қызметтер салаларындағы жобаларды іске асыру жалғасуда.

Сондай-ақ, өнеркәсіпті дамыту қоры 2024 жылы AIX-те әлеуметтік облигациялар шығару және болашақта тұрақты даму және «жасыл» облигациялар бойынша есептер шығаруды жоспарлау арқылы ESG қағидаттарын енгізуде.

ӨДҚ отандық өндірушілер мен кәсіпорындар үшін қолдау шараларын кеңейтуді, сондай-ақ коммуналдық техника паркін және шұғыл қызметтер көлігін жаңартуға ықпал ететін лизингтік қаржыландыруды дамытуды жалғастырады.