Жаңа жыл қарсаңында «Бәйтерек» холдингінің ұжымы 2021 жылғы 14 желтоқсанда өткен қайырымдылық жәрмеңкесінен түскен ақшаға Ана мен бала ұлттық ғылыми орталығында ұзақ уақыт емделіп жатқан балалар үшін мереке ұйымдастырды, сондай-ақ үй жануарларына арналған «Ника» панажайын көмірмен, азықпен және дәрі-дәрмекпен қамтамасыз етті.
Қайырымдылық іс-шаралары «Игі істер марафоны» акциясы аясында өтті, оған бастама жасаған Nur Otan партиясының Есіл аудандық филиалының «Бәйтерек» холдингі» бастауыш партия ұйымы.
Ана мен бала орталығының төрт бөлімінде ұзақ емделіп жатқан балалар жаңа жылды тойлауды 22 желтоқсанда бастады. Холдингтің волонтерлары және Аяз Ата мен Ақшақардың киімдерін киген аниматорлар 100 балаға сыйлықтар беріп, сиқырға толы мереке ұйымдастырды.
Келесі күні, 23 желтоқсанда волонтерлар елорданың үй жануарларына арналған «Ника» панажайына барып, 3 тонна көмір, азық және ветеринарлық дәрі-дәрмек апарып берді. Қазіргі уақытта бұл жерден 64 мысық пен 82 ит пана тауып отыр.
-
Бұл акциялар 14 желтоқсанда «Бәйтерек» холдингінде өткен «Baiterek - Open Hearts» қайырымдылық жәрмеңкесінен түскен қаражаттың арқасында өткізіліп отыр. Жаңа жыл қарсаңындағы ғажайыпқа сеніп қана қоймай, сол ғажайыпты сыйлаушы болғымыз келді. Әсіресе, бүгінде ауыр дертке шалдығып, онымен күресіп жатқан балаларды қуанышқа бөлеп, сондай-ақ панасыз қалған үй жануралары үшін жақсылық жасағымыз келді. Мен Холдингтің волонтерларына үлкен алғыс айтамын. Сонымен қатар, осы күндері балаларға жаңа өмір сыйлау үшін барын салып жатқан дәрігерлерге және үй жануарларын суық пен аштықтан қорғап жүрген панажай еріктілеріне үлкен құрмет пен үлкен білдіргім келеді, - деді «Бәйтерек» холдингі аппаратының басшысы
Дина Акрачкова.
Холдингте мұндай акциялар келесі жылы да жалғасын табатынын атап өтті.
