Қазақстан халықаралық сарапшыларға ашықтықты көрсетті: Париждегі ЭЫДҰ алаңындағы таныстырылым

Қазақстан делегациясы Парижде ЭЫДҰ-ның экспорттық кредиттер мен кепілдіктер жөніндегі жұмыс тобының 164-сессиясында елдің негізгі жетістіктерін таныстырды.

Таныстырылым «Бәйтерек» ҰБХ» АҚ мен Қазақстанның экспорттық-кредиттік агенттігінің елімізде жүзеге асырылып жатқан экономикалық реформалар мен бастамаларды ЭЫДҰ мүшелеріне кеңірек түсіндіруге және ЭЫДҰ ұсынымдарын іске асыруды жақсартуға мүмкіндік берген маңызды алаң болды.

Өз сөзінде «Бәйтерек» ҰБХ» АҚ Басқарма төрағасының орынбасары Тимур Онжанов KazakhExport ЭЫДҰ дамыған елдерінің тәжірибесі бойынша ресми түрде экспорттық-кредиттік агенттік мәртебесін алғанын және ынтымақтастықты нығайту және елдің экспортқа бағдарланған өндірісін дамыту үшін әлемдік жетекші ЭКА-мен әріптестікті кеңейтуге дайын екенін атап өтті.

«Қазақстан экспорттық әлеуетті дамыту және халықаралық стандарттарды енгізу бағытында елеулі прогреске қол жеткізіп отыр. Біз жаһандық экономикалық байланыстарды дамытуға ықпал ететін, экспортты қолдаудың тиімді және тұрақты тетіктерін құру үшін халықаралық серіктестермен қарым-қатынасты нығайтуды көздейді. Қазақстанның экспорттық-кредиттік агенттігі осы бағытта нақты қадамдар жасауда», - деп атап өтті Тимур Онжанов.

Кездесу барысында баламалы энергетикаға, сирек кездесетін жер металдарын өндіру мен қайта өңдеуге, Қазақстанның логистикалық әлеуетіне қатысты мәселелер де қозғалды.

ЭЫДҰ алаңындағы таныстырылым халықаралық аренада елдің оң имиджін қалыптастырады, Қазақстанның халықаралық рейтингтердегі позицияларын одан әрі нығайтуға деген ұмтылысын көрсетеді. Негізінен, мұндай іс-шаралар ЭЫДҰ жіктемесі бойынша Қазақстанның елдік рейтингін қайта қарау үшін алғышарт болмақ, бұл өз кезегінде, шетелдік инвесторлардың сеніміне жақсы әсер етеді, бірлескен жобалар үшін қосымша мүмкіндіктер ашады және осындай жобаларды іске қосу үшін қаржы тарту шарттарын жақсартады.

Анықтама үшін:

Экономикалық ынтымақтастық және даму ұйымы (ЭЫДҰ) — өкілді демократия мен еркін нарықтық экономика қағидаттарын мойындайтын дамыған елдерді біріктіретін халықаралық экономикалық ұйым.