Сұрақ-жауап
Шұғыл желі
А А

25.06.2024 12:02:00

«Бәйтерек» холдингі аграршыларға 100 млрд теңгеге жеңілдікті лизинг ұсынады

24.01.2024

Астанада «Даму» қорының алдағы даму жоспары талқыланды

Астанада «Даму» қорының алдағы даму жоспары талқыланды

ҚР Ұлттық экономика министрі Әлібек Қуантыровтың төрағалығымен «Даму» кәсіпкерлікті дамыту қоры» АҚ Стратегиялық сессиясы өтті. 

Отырысқа «Бәйтерек» ҰБХ  басшысы Н.С Байбазаров, Қордың Директорлар кеңесінің мүшелері Т. М. Жақсылықов, Г. А. Бурибаева Е. Е.С Аушарипов, сондай-ақ Қордың тәуелсіз директорлары Р.А. Баталов,  Е.Л. Бахмутова, Г. А. Хусаинов т.б қатысты. Сессия барысында қордың Даму стратегиясы таныстырылды.

2 (11).JPG

Ұсынылған стратегия жобасы Мемлекет басшысының Қазақстан халқына арнаған «Әділ Қазақстанның экономикалық бағыты» атты жолдауында айтылған тапсырмасын, атап айтқанда мемлекеттік қолдау жүйесін жетілдіру арқылы орта кәсіпкерлікті дамыту бойынша жаңа кешенді тәсілдерді қалыптастыру қажеттігін қамтиды.

Стратегияға сәкес, «Даму» Қоры ел экономикасын дамыту үшін әлеуетті орта бизнестің дамуын ынталандыруға барынша серпін беруді жоспарлап отыр. Оның ішінде шикізатқа тәуелсіз секторлардағы экспортқа өнім шығаратын және импорттың орнын басатын жобаларға басымдық беріледі.  

3 (8).JPG

ШОБ-ты дамытудағы мемлекеттік құралдардың бірі – кепілдіктің аясын кеңейту көзделген. Бұл құрал ЕДБ өтімділігін ел экономикасын несиелеуге тарту мәселесін шешуге ықпал етеді.

Әр өңірдің ерекшелігі мен басымдық берілген салаларын ескере отырып, әкімдіктермен бірлескен өңірлік қаржы бағдарламаларды дамыту да жоспарда бар.

4 (6).JPG

Мұнымен қатар Қор нарығының өнімдері арқылы балама қолдау құралдарын дамыту көзделген. Осы бағыттың негізгі мақсаттарының бірі – бизнес-жобаларды инвестициялауға жеке нарықты кірістіре отырып, ШОБ-қа қаржы тарту мүмкіндігі болмақ. ШОБ-ты қамтуда ислам қаржы құралдары мен факторинг операцияларын дамыту маңызды рөл атқарады.

Стратегия бизнес-процестерді цифрландыру үшін IT мен технологиялық шешімдер енгізіп, фронт-кеңсені онлайн форматқа көшіру және тиімді жұмыс істейтін экожүйе құруға да баса назар аударады. Бүгінде кәсіпкерлерге ыңғайлы болу үшін Қордың барлық бизнес-процестері кәсіпкердің өтінім беруінен бастап субсидиялау/кепілдік беру шартына қол қоюға дейін цифрланған.

5 (3).JPG

Қор жасыл және әлеуметтік жобаларды қоса алғанда, ESG-жобалар үлесін арттыру, әйелдер мен жастар кәсіпкерлігін қолдау арқылы өз қызметіне «ESG» факторларын енгізуді және интеграциялауды жалғастырады.

- Үкімет елімізде ШОБ-ты дамыту бойынша үлкен жұмыс жүргізуде. Бұған осы саладағы көрсеткіштер дәлел. Мысалы, шағын және орта бизнес өнімдерін өндіру 47,2 трлн теңгеден асты, жұмыспен қамтылғандар саны 4,3 млн адамды құрайды. 2023 жылы 12,3 мың жоба субсидияланды, жалпы несие сомасы 1 трлн теңгені құрады. Несие сомасы 363 млрд теңге  болатын 8,2 мың жобаға кепілдік берілді. Үкімет экономика өсімінің негізгі драйвері ретінде ШОБ-ты дамыту шараларын жалғастырады. Бюджет қаражатын пайдалану тиімділігін, оның лимитін арттыру және ШОБ субъектілерін көптеп қаржыландыру мақсатында субсидиядан кепілдік пен қорландырудың балама құралдарына қарай көшу қажет, - деп атап өтті министр.  

6 (2).JPG

Сессия барысында негізгі қатысушылардың жаңа ұсыныстары мен көзқарастары тыңдалды. Қордың құралдары мен қызметін одан әрі жетілдіру жолдары айқындалды. Жиын соңында қатысушылар стратегиялық сессияда айқындалған мақсаттар мен жоспарлар «Даму» Қорының елдегі кәсіпкерлікті дамыту миссиясын табысты жүзеге асыруын жалғастыруға көмектесетініне сенім білдірді.

7.JPG

8.JPG

9 (1).JPG

10.JPG

Қосымша жаңалықтар

іс-шаралар
күнтізбесі

?

Іздегеніңізді
таппадыңыз ба?

  • Қазақстан Республикасы Президентінің ресми интернет-ресурсы
  • Қазақстан Республикасы Парламентінің ресми интернет-ресурсы
  • Қазақстан Республикасы Премьер-Министрінің ресми ақпараттық ресурсы
  • Қазақстан Республикасы Ұлттық экономика министрлігінің ресми интернет-ресурсы
  • Қазақстан Республикасы Өнеркәсіп және құрылыс министрлігінің ресми интернет-ресурсы
  • Қазақ тілінің қолданылу аясын кеңейтуге бағытталған электронды ресурстар