«Бәйтерек» холдингі Наурыз мейрамын тойлады

         «Бәйтерек» ҰБХ» АҚ мен оның еншілес ұйымдары Наурыз мейрамын салтанатты түрде атап өтті.

         «Бәйтерек» ҰБХ» АҚ Басқарма төрағасының бірінші орынбасары Нұрболат Айдапкелов барлық қызметкерлерді келе жатқан әз-Наурыз мерекесімен құттықтады.

«Баршаңызды Наурыз мейрамымен құттықтаймын! Биыл біз Наурыз мейрамын ерекше түрде атап өтіп отырмыз. «Наурызнама» бізді тарихи бастауларымыз бен бай дәстүрімізге қайта бойлатады. Бұл – ынтымақ пен өзара сыйластық уақыты әрі құт-береке мен жаңа жетістіктердің бастауы», - деп атап өтті Нұрболат Айдапкелов.

         Наурызнамада 20 наурыз Ұлттық спорт күні деп жарияланған. Осы күннің аясында Холдинг пен еншілес ұйымдардың қызметкерлері гир көтеріп, білек күшін сынады, садақ атып мергендіктерін танытты және ұтқырлылары тоғызқұмалақ ойнады.

         Халық әндері мен ұлттық билерді орындаған өнерпаздар мерекені думандата түсті. Осылайша қонақтар қазақ халқының бай мәдениетіне қанығып, мол дастарханы мен қонақжайлығын қызықтады.