«Бәйтерек» ҰБХ» АҚ-ның бірінші облигациялық бағдарлама шегіндегі бірінші шығарылым облигацияларын орналастыру қорытындылары туралы есепті бекіту

2014 жылғы 27 тамызда Қазақстан Республикасының Ұлттық Банкі «Бәйтерек» ҰБХ» АҚ-ның бірінші облигациялық бағдарлама шегіндегі бірінші шығарылым облигацияларын орналастыру қорытындылары туралы есепті бекітті 
1. Есептің мемлекеттік тіркелуін жүзеге асыратын мемлекеттік орган – Қазақстан Республикасының Ұлттық Банкі. 
2. Есепті кезең ішінде түрлері бойынша орналастырылған облигациялардың саны: орналастырылды – қамтамасыз етілмеген купондық облигациялардың 23 000 000 (жиырма үш миллион) данасы.  
3. 2014 жылғы 14 шілдедегі бағалы қағаздарды мемлекеттік тіркеу туралы №Е73-1 куәлігі. 
4. Ұлттық сәйкестендіру нөмері KZP01Y20E730.
5. Бір облигацияның номиналды құны – 1 000 (бір мың) теңге. Облигациялардың айналым мерзімі облигацияларды айналымға енгізу күнінен бастап 20 жылды құрайды. Сыйақыны төлеу облигациялар айналымының бүкіл мерзімі ішінде облигацияларды айналымға енгізу күнінен бастап әр 12 (он екі) ай сайын жылына 1 (бір) рет жүргізіледі.  Облигацияларды өтеу күні төлем жүзеге асырылатын кезеңнің соңғы күнінің басындағы жағдай бойынша облигацияларды өтеу күнінен бастап айналым мерзімі аяқталғаннан кейін 10 жұмыс күні ішінде облигациялар тізілімінде тіркелген облигацияларды ұстаушылардың ағымдағы шоттарына ақша аудару арқылы сыйақыны бірмезгілде теңгемен төлей отырып, облигациялар облигациялардың номиналды құны бойынша өтеледі. Облигациялар ұйымдастырылмаған бағалы қағаздар нарығында ғана айналымға түседі.
6. Облигациялар бойынша сыйақы мөлшерлемесі облигациялар айналымының бүкіл мерзімі ішінде тияқнақталған болып табылады және Облигациялардың номиналдық құнынан 0,1% (нөл бүтін оннан бір пайызын) құрайды.  
7. Орналастыру мерзімі 2014 жылғы 15 шілдеден 2014 жылғы 18 шілдеге дейін. Шығарылым толық көлемде орналастырылды.
8. Облигацияларды орналастыру туралы шемімді қабылдау күн – 2014 жылғы 30 маусым. 
9. Есепті кезең ішінде «Бәйтерек» ҰБХ» АҚ облигациялары сатып алынбады. 
10. Көрсетілген кезең ішінде облигациялар бойынша сыйақылар төленген жоқ. Сыйақы уақтылы төлеу бойынша қарыздар жоқ.