«Байтерек» Қазақстан-Нидерланды іскерлік кеңесі отырысында инвестициялық мүмкіндіктерді таныстырды

«Байтерек» Ұлттық басқарушы холдингі» АҚ Қазақстан-Нидерланды іскерлік кеңесінің отырысына қатысты. Шара екі елдің бизнес өкілдері мен іскерлік топтарын екіжақты ынтымақтастықты нығайту және жаңа инвестициялық мүмкіндіктерді дамыту мақсатында жинады.

Қазақстанның сауда-инвестициялық және транзиттік мүмкіндіктеріне арналған алғашқы панельдік сессия аясында «Байтерек» ҰБХ» АҚ жобалармен жұмыс департаментінің директоры Алмас Ағыбаев холдинг ұсынатын бизнесті қолдаудың қаржылық құралдарын таныстырды.

«Байтерек» Қазақстан экономикасының дамуына қолдау көрсететін стратегиялық бастамалар мен маңызды жобаларды қолдай отырып, елдің негізгі қаржы институттарының бірі. 2023 жылы біз ірі инфрақұрылымдық жобаларға 1,4 миллиард еуро инвестиция құйдық, бұл ел экономикасын жаңғырту және әртараптандыруға бағытталған. Біз Нидерландтық әріптестермен ынтымақтастығымыз осы мүмкіндіктерді кеңейтіп, инвестициялар мен инновациялық жобаларды тартып, тұрақты және бәсекеге қабілетті болашақ құруға ықпал ететініне сеніміміз мол», – деді Алмас Ағыбаев.

Сонымен қатар, ол агроөнеркәсіптік секторды қолдаудағы холдингтің үлесін, заманауи жабдықтарды сатып алу үшін жеңілдетілген қаржыландыру мен тиімді лизингтік шарттарды ұсынғанын атап өтті.

Отырыста Нидерландтық компаниялармен бірлескен жобаларды тұрақты даму, энергетика, ауыл шаруашылығы және инфрақұрылым салаларында іске асыру перспективалары талқыланды. 2023 жылы экспорттық қызметті қолдау көлемі 1,5 миллиард еуроны құрап, қазақстандық кәсіпорындардың халықаралық нарықтарға табысты шығуына ықпал етті.