19.09.2026
- Холдинг туралы
- Тұрақты даму
Кеңес ал!
Астанада «Бәйтерек» ұлттық инвестициялық холдингі мен оның еншілес ұйымдарының қызметкерлері «Таза Қазақстан» экологиялық жобасы аясында жалпықалалық сенбілікке қатысты. Іс-шараға 200-ден астам адам жиналды.
Қатысушылар аумақты тазалап, елорданың тазалығын сақтауға және абаттандырылуына өз үлестерін қосты. Холдинг ұжымы үшін экологиялық акцияларға қатысу қызметкерлерді ортақ іске жұмылдырып, қоршаған ортаға жауапкершілікпен қарауға үндейтін игі дәстүрге айналды.
«Бәйтерек» холдингі мен еншілес ұйымдарымыз жыл сайын «Таза Қазақстан» жобасының іс-шараларына белсенді қатысады. Қаланы таза әрі өмір сүруге қолайлы етуге деген ортақ ұмтылыс бізді біріктіреді. Қоршаған ортаға ұқыпты қарау әрқайсымыздың қарапайым іс-әрекетімізден басталады. Осындай бірлескен бастамалар табиғатқа қамқорлықты күнделікті әдетке айналдыруға көмектеседі», - деп атап өтті Холдингтің аппарат басшысы Дина Акрачкова.
Сенбілікке қатысу Холдингтің компаниялар тобының экологиялық мәдениетті қалыптастыруға және баршаға ортақ қала кеңістігіне ұқыпты қарауға бейілділігін көрсетеді.
