«Бәйтерек» Холдингінде Қазақстан Тәуелсіздігінің мерейтойына арналған эссе байқауы өтті

«Бәйтерек» холдингі мен оның еншілес ұйымдарының қызметкерлері арасында Қазақстан Тәуелсіздігінің 30 жылдығына арналған «Нұр-сұлтан – табыс пен өркендеудің символы» атты эссе байқауы өтті.

Байқауға 17 адам өз шығармаларын ұсынды. Байқауға қатысушылар өз еңбектерінде Қазақстан астанасының қалыптасуына байланысты өз өмірлеріндегі оқиғалармен, бас қаланың ел тағдырындағы рөлі туралы ойларымен бөлісті.

Ең үздік жұмыстар қызметкерлер арасында жасырын дауыс беру арқылы анықталды және сыйлықтармен марапатталды: 1 орын – холдингтің бас менеджері Үмітай Жолдыбаева, 2 орын - Холдингтің іс жүргізушісі Айғаным Мұсабекова, 3 орын – Қазақстан Даму Банкінің қоғаммен байланыс қызметінің басшысы Жанар Жұмабекова иеленді.

Сонымен қатар ынталандыру сыйлықтары Аграрлық несие корпорациясының Түркістан филиалынан Дина Нысанбайға, Қазақстанның даму банкінен Нұржан Нұрлиевке және «Даму» кәсіпкерлікті дамыту қорының Ақтөбедегі филиалынан Бауыржан Дарқұловқа берілді.