«Бәйтерек» холдингі Тәуелсіздік күнін атап өтті

Қазақстан Республикасының Тәуелсіздік күнін мерекелеу қарсаңында Холдингтің және оның еншілес ұйымдарының қызметкерлері ҚР Еңбек және әлеуметтік қорғау министрлігінің, ҚР өнеркәсіп және құрылыс министрлігінің Құрмет грамоталарымен, сондай-ақ «Бәйтерек» ҰБХ» АҚ Басқарма Төрағасының Алғыс хаттарымен марапатталды.

Марапаттарды «Бәйтерек» холдингінің Басқарма Төрағасы Нұрлан Байбазаров салтанатты түрде табыс етті. Холдинг басшысы қызметкерлерді келе жатқан мерекемен құттықтап, ортақ іске аса жауапкершілікпен қарап, алға қойған мақсаттарына жетуге тілектестік білдірді.

Біз әріптестерімізді лайықты марапаттарымен құттықтаймыз және ел игілігі үшін еңбек етуге одан әрі табыс тілейміз!