«Бәйтерек» холдингі мен EPAM Kazakhstan цифрлық технологиялар саласындағы стратегиялық әріптестікті талқылады

«Бәйтерек» ұлттық басқарушы холдингі» АҚ Басқарма төрағасының орынбасары Үсен Ғалым Epam Kazakhstan ЖШС өкілдерімен кездесу өткізді. Кездесудің негізгі мақсаты деректерді басқару, дата-аналитика, жасанды интеллект және ақпараттық қауіпсіздік сияқты негізгі бағыттарда стратегиялық әріптестікті кеңейту болды.

«Қазақстандағы ең ірі АТ-экспорттаушы және бағдарламалық қамтамасыз ету мен цифрлық қызметтерді әлемдік жетекші жеткізушілердің бірі - EPAM Systems бөлігі болып табылатын EPAM Kazakhstan озық технологиялары мен инновациялық шешімдерін пайдалану Мемлекет басшысының холдингті ауқымды цифрландыру жөніндегі тапсырмаларын іске асыруға ықпал ететін болады», - деп атап өтті Үсен Ғалым.

Кездесуде тараптар Холдинг жұмысының тиімділігін арттыруға бағытталған жаңа цифрлық шешімдерді әзірлеу және енгізу перспективаларын талқылады. Ақпараттық қауіпсіздік мәселелеріне ерекше назар аударылды, бұл әсіресе жаһандық сын-қатерлер мен киберқауіптердің өсуі жағдайында маңызды.

Epam Kazakhstan-мен стратегиялық әріптестік Қазақстан үшін ерекше маңызға ие. Бұл Мемлекет басшысының 2022 жылы Нью-Йоркке сапары кезінде басталған өзара іс-қимылдың жалғасы болды, онда EPAM Systems басшылығымен кездесу өтті. Бұл ынтымақтастық Қазақстандағы АТ-секторын дамытудың және елдің технологиялық экожүйесін нығайтудың маңыздылығын көрсетеді.