«Бәйтерек» холдингі Халықаралық жасыл инвестициялар қағидаттарына қосылды

     «Бәйтерек» холдингі «Бір белдеу, бір жол» (GIP) жасыл инвестициялар қағидаттарына қол қоюшылар қатарына қосылды. Бұл маңызды қадам Бәйтеректің тұрақты және «жасыл» инвестицияларға, сондай-ақ экологиялық таза жобаларды ілгерілетуге бағытталған жаһандық күш-жігерге деген міндеттемесін арттырады.

     GIP-ке қосылған жаһандық қаржы мекемелерінің саны жыл сайын өсіп келеді және әлемнің 17 елі, соның ішінде Қытайдан, Еуропадан және Орталық Азиядан келген ірі компаниялардан 40-тан астам қол қоюшыны қамтиды.

     GIP үш қағидатқа негізделген: стратегиялық, операциялық және инновациялық деңгейдегі жеті нұсқаушы. Олар қол қоюшыларды корпоративтік басқарудың тұрақтылығын қамтамасыз етуге шақырады, экологиялық тәуекелдерді азайту үшін нақты шараларды ұсынады, сонымен қатар жасыл экономиканың ең заманауи құралдарын қолдануға шақырады.

     GIP-тің 49-шы қатысушысы бола отырып, «Бәйтерек» холдингі жауапты инвестициялық практика арқылы қоршаған ортаға оң әсер етуге ұмтылатын мекемелер желісіне қосылды.

     «GIP-ке қосылу біздің орнықты даму қағидаттарын ұстанатынымызды көрсетеді және елімізге және қоршаған ортаға пайда әкелетін «жасыл» бастамаларды қолдау жөніндегі миссиямызға сәйкес келеді. Бәйтерек үшін бұл аса маңызды қадам», - деп атап өтті «Бәйтерек» холдингінің Стратегия және корпоративтік даму департаментінің директоры Мадина Ержанова.