"Бәйтерек" холдингі Жұмыспен қамту Жол картасын қаржыландыру үшін кезекті облигациялық қарыз тартты

2020-2021 жылдарға арналған Жұмыспен қамтудың Жол картасын іске асыру шеңберінде 2020 жылғы 21 қазанда "Бәйтерек "Ұлттық басқарушы холдингі" АҚ Қазақстан Республикасы Ұлттық Банкінің еншілес құрылымынан жалпы көлемі 200 млрд теңге болатын облигациялық қарызды тартты.

Бұл қаражат "Қазақстандық Ипотекалық компания "ИҰ"АҚ арқылы облыстар, республикалық маңызы бар қалалар әкімдіктерінің облигацияларын сатып алуға бағытталған.

Бүгінгі таңда Жұмыспен қамтудың Жол картасын іске асыру аясында әкімдіктер жалпы сомасы 600 млрд теңгеге қаржыландырылды, бұл кәсіпкерлікті қолдаудың және еңбек нарығындағы тұрақтылықты қамтамасыз етудің пәрменді шарасы бола отырып, 250 мыңнан астам жұмыс орнын құруға мүмкіндік береді.