«Бәйтерек» холдингі директорлар кеңесінің жаңа құрамы сайланды

Қазақстан Республикасының ұлттық экономика министрінің 2022 жылғы 4 ақпандағы «Бәйтерек» ұлттық басқарушы холдингі» акционерлік қоғамының Директорлар кеңесі құрамының кейбір мәселелері туралы» № 50 бұйрығымен «Бәйтерек» ұлттық басқарушы холдингі» акционерлік қоғамының Директорлар кеңесінің төрағасы Мамин Асқар Ұзақбайұлының, «Бәйтерек» ұлттық басқарушы холдингі» акционерлік қоғамы директорлар кеңесінің мүшелері Әсет Арманұлы Ерғалиевтің, Бейбіт Бәкірұлы Атамқұловтың және Айдар Әбдіразақұлы Әріпхановтың өкілеттіліктері мерзімінен бұрын тоқтатылды.

«Бәйтерек» ұлттық басқарушы холдингі» акционерлік қоғамының Директорлар кеңесінің төрағасы болып Қазақстан Республикасының Премьер-Министрі Смаилов Алихан Асханұлы сайланды.

«Бәйтерек» ұлттық басқарушы холдингі» акционерлік қоғамының Директорлар кеңесінің құрамына Қазақстан Республикасы Ұлттық экономика министрі – Қуантыров Әлібек Сакенұлы, Қазақстан Республикасының инфдустрия және инфрақұрылымды дамыту министрі Өскенбаев Кайырбек Айтбайұлы, Қазақстан Республикасының ауыл шарушылығы министрі Қарашүкеев Ербол Шырақпайұлы сайланды.