«Бәйтерек» ҰБХ» АҚ Корпоративтік басқару кодексі жаңа редакцияда бекітілді

2025 жылғы 23 маусымда «Бәйтерек» ҰБХ» АҚ Корпоративтік басқару кодексі бекітілді.

Кодекс корпоративтік басқарудың үлгілік кодексіне сәйкес әзірленген, онда Экономикалық ынтымақтастық және даму ұйымы (ЭЫДҰ) ұсынған үздік тәжірибелер көрініс тапқан. Жаңа Кодекс тиімді корпоративтік басқару құрылатын негізгі қағидаттарды бекітті, атап айтқанда:

• өкілеттіктерді ажырату қағидаты;
• акционерлердің құқықтары мен мүдделерін қорғау қағидаты;
• Директорлар кеңесі мен Басқарманың Холдингті тиімді басқару қағидаты;
• тұрақты даму қағидаты;
• тәуекелдерді басқару, ішкі бақылау және аудит қағидаты;
• корпоративтік қақтығыстар мен мүдделер қақтығысын реттеу қағидаты;
• Холдингтің қызметі туралы ақпаратты ашудың ашықтығы мен объективтілігі қағидаты.

Кодекстің қабылдануы Холдингтің ұзақ мерзімді құнының өсуіне және орнықты дамуына, сондай-ақ инвесторлар, серіктестер және қоғам тарапынан сенімді нығайтуға бағытталған. Жаңа Кодекс – бұл жай ғана құжат емес, Холдингтің барлық компаниялар тобы үшін халықаралық стандарттарға сәйкес келетін корпоративтік басқарудың жетілген жүйесін құруда бағдар болмақ.

Холдинг ел экономикасының тұрақты өсуіне ықпал ете отырып, озық халықаралық практикаларға сәйкес корпоративтік басқаруды жетілдіруді жалғастырады.