Корпоративтік басқару принциптері

"Бәйтерек" ҰБХ" АҚ корпоративтік басқаруды Холдинг және оның еншілес ұйымдары қызметінің тиімділігін арттырудың, транспаренттілік пен есеп берушілікті қамтамасыз етудің, оның беделін нығайтудың және капиталды тартуға арналған шығындарды азайтудың негізгі құралы ретінде қарастырады. Холдинг корпоративтік басқарудың тиісті тәжірибесін іске асыру арқылы Қазақстан Республикасындағы заңнаманың үстемдігін қамтамасыз етуге өз үлесін қосуға ұмтылады.

Корпоративтік басқарудың тиімді құрылымы Холдинг қызметіне мүдделі барлық тұлғалардың құқықтары мен мүдделерін құрметтеуді көздейді және Холдингтің табысты қызметіне ықпал етеді. Холдингтің корпоративтік басқару жүйесі Холдинг органдары, лауазымды тұлғалары мен қызметкерлері арасындағы өкілеттіктер мен жауапкершілікті нақты ажыратуды көздейді.

Холдингтің корпоративтік басқаруының негізгі қағидаттары:

• өкілеттіктердің аражігін ажырату қағидаты
• акционерлердің құқықтары мен мүдделерін қорғау қағидаты;
• Директорлар кеңесі мен Басқарманың Холдингті тиімді басқаруы қағидаты;
• орнықты даму қағидаты;
• тәуекелдерді басқару қағидаты, ішкі бақылау және аудит;
• корпоративтік қақтығыстар мен мүдделер қақтығысын реттеу қағидаты;
• Холдингтің қызметі туралы ақпараттың ашықтығы және оны ашудың объективтілігі қағидаты болып табылады.

Ұлттық әл-ауқат қорын қоспағанда, мемлекет бақылайтын акционерлік қоғамдардағы корпоративтік басқарудың үлгілік кодексінің өзектендірілгеніне байланысты (Қазақстан Республикасы Ұлттық экономика министрінің 2018 жылғы 5 қазандағы № 21 бұйрығы), Холдингтің Корпоративтік басқару кодексі Қазақстан Республикасы Ұлттық экономика министрлігінің 2025 жылғы 23 маусымдағы № 178 бұйрығымен жаңа редакцияда бекітілді.

Холдингтің корпоративтік басқару кодексі

Холдингтің еншілес ұйымдарында ішкі аудит қызметтері екі жылда бір рет корпоративтік басқару жүйесін бағалауды, корпоративтік басқару құрылымы, мүдделер қайшылығын реттеу, директорлар кеңестері жұмысының тиімділігі процестері, тәуекелдерді басқару жүйесі, ішкі аудит, ашықтық бойынша халықаралық тәжірибелерде көзделген іс-шараларды қамтитын корпоративтік басқару жүйесін жетілдіру жөніндегі іс-шаралар жоспарларын кейіннен бекітумен және мониторингілей отырып жүзеге асырады.

Корпоративтік басқарудың озық тәжірибесіне сәйкес Холдинг жыл сайын корпоративтік басқару қағидаттарына сүйену туралы есеп дайындайды.

«Бәйтерек» ұлттық басқарушы холдингі» акционерлік қоғамының 2019 жылғы Корпоративтік басқару кодексінің қағидаттары мен ережелерін сақтау/сақтамау туралы есеп

«Бәйтерек» ұлттық басқарушы холдингі» акционерлік қоғамының 2020 жылғы Корпоративтік басқару кодексінің қағидаттары мен ережелерін сақтау/сақтамау туралы есеп

«Бәйтерек» ұлттық басқарушы холдингі» акционерлік қоғамының 2021 жылғы Корпоративтік басқару кодексінің қағидаттары мен ережелерін сақтау/сақтамау туралы есеп

«Бәйтерек» ұлттық басқарушы холдингі» акционерлік қоғамының 2022 жылғы Корпоративтік басқару кодексінің қағидаттары мен ережелерін сақтау/сақтамау туралы есеп