«Бәйтерек» холдингінің даму жоспары»

«Бәйтерек» ҰИХ» АҚ-ның миссиясы:

Қоғам алдындағы жауапкершілік қағидаттарына сүйене отырып, қазақстандық тауарлар мен қызметтердің өндірісін қолдау, инфрақұрылымды жаңғырту және азық-түлік қауіпсіздігін нығайту арқылы Қазақстан Республикасы экономикасының тұрақты өсуіне жәрдемдесу.

«Бәйтерек» ҰИХ» АҚ пайымы:

Жаңа салалық «өсу нүктелерін» дамыту арқылы Қазақстан экономикасының құрылымын түрлендіретін проактивті инвестициялық холдинг.

«Бәйтерек» ұлттық инвестициялық холдингі» акционерлік қоғамының 2024 – 2033 жылдарға арналған даму жоспары» жүктеп алыңыз

«Бәйтерек» Ұлттық инвестициялық холдингі» АҚ өз миссиясын іске асыру аясында шешетін негізгі міндеттер:

• Экономиканың шикізаттық емес салаларын дамыту;
• Кәсіпкерлікті дамыту;
• Өңдеу өнеркәсібін дамыту;
• Шикізаттық емес өнімдер экспортын қолдау;
• Еңбек өнімділігін арттыру;
• Бәсекеге қабілетті АӨК дамыту;
• Экономиканың инвестициялық тартымдылығын арттыру;
• Халықтың әл-ауқатын жақсарту.

Алғашқы алты міндет «Бәйтерек» ҰИХ» АҚ-ның микро, шағын, орта және ірі кәсіпкерлік субъектілерін қолдауды, өнеркәсіпті дамытуды және өңірлік дамытуды қамтитын «Кәсіпкерлікті қолдау» стратегиялық бағыты бойынша негізгі қызметін жүзеге асыру жолымен шешіледі.

Экономиканың инвестициялық тартымдылығын арттыру жөніндегі жетінші міндет Қазақстанда ғана емес, сондай-ақ макроөңірде де үлестік қаржыландыру экожүйесін дамытудың стратегиялық бағыты шеңберінде шешіледі.

Халықтың әл-ауқатын жақсарту жөніндегі сегізінші міндет «Бәйтерек» ҰИХ» АҚ-ның «Халықты тұрғын үймен қамтамасыз ету» қызметінің стратегиялық бағыты шеңберінде шешіледі.

Стратегиялық міндеттер:

• Кәсіпкерлікті қолдау;
• Үлестік қаржыландырудың экожүйесін дамыту
  
• Халықты тұрғын үймен қамтамасыз ету;