Халықаралық серіктестік

Халықаралық

серіктестік

Шетелдік сапарлар

2025 жылы «Бәйтерек» Ұлттық инвестициялық холдингі» басшылығы 18 сапарға қатысты, оның ішінде 5 сапар Қазақстан Республикасы Мемлекет басшысының, Қазақстан Республикасы Премьер-Министрінің бірінші орынбасарының және Қазақстан Республикасы мемлекеттік органдарының өзге де өкілдерінің Германия Федеративтік Республикасына, Қытай Халық Республикасына, Америка Құрама Штаттарына (2) және Жапонияға жасаған сапарлары аясында өтті.

Тағы 13 сапар компаниялар мен іс-шараларды ұйымдастырушылардың шақыруымен Испания Корольдігіне, Бельгия Корольдігіне, Люксембург Ұлы Герцогтігіне, Қытай Халық Республикасына, Ұлыбританияға, Біріккен Араб Әмірліктеріне, Германия Федеративтік Республикасына және Сауд Арабиясы Корольдігіне ұйымдастырылды.

Келісімдер менмеморандумдар

2025 жылы Холдинг және оның еншілес әрі тәуелді ұйымдары инфрақұрылымдық және индустриялық жобаларды іске асыру, шағын және орта бизнесті қолдау, шикізаттық емес экспортты және агроөнеркәсіптік кешенді дамыту салаларында ынтымақтастықты орнату және дамытуға бағытталған 54 келісім мен меморандумға қол қойды.

Холдинг қытай банкімен, сондай-ақ америкалық, жапон, иран және малайзиялық компаниялармен агроөнеркәсіптік кешен және автомобиль жасау салаларындағы жобаларды қаржыландыру, экспорттық кредиттеу және сауданы қаржыландыру мәселелері бойынша, сондай-ақ тұрақты даму, баламалы энергетика және ESG салаларындағы жобалар бойынша «Бәйтерек» Ұлттық инвестициялық холдингі» инвестициялық бағдарламасын қолдау мақсатында 12 меморандум, шарт және келісімге қол қоюшы болды.

Халықаралық іс-шаралар

Холдинг 39 халықаралық және инвестициялық іс-шараға қатысты, оның ішінде 14 іс-шара Қазақстан Республикасы Мемлекет басшысының, Қазақстан Республикасының Премьер-Министрінің, Қазақстан Республикасы Премьер-Министрінің бірінші орынбасарының, сондай-ақ Қазақстан Республикасы мемлекеттік органдарының өзге де өкілдерінің қатысуымен өтті. 38 іс-шара офлайн форматта, 1 іс-шара онлайн форматта (CDP бизнес-матчинг онлайн платформасы) өткізілді.

Халықаралық екіжақты кездесулер

2025 жылы халықаралық қызмет аясында Холдинг 138 кездесу өткізді. Оның ішінде 137 кездесу офлайн форматта ұйымдастырылды (62 кездесу — шетелде, 75 — Қазақстанда).

Кездесулер шетелдік қаржы институттарының, банктердің және халықаралық компаниялардың серіктестерімен өткізілді. Ең көп кездесулер Америка Құрама Штаттары, Франция Республикасы, Біріккен Араб Әмірліктері, Қытай Халық Республикасы және Германия Федеративтік Республикасынан келген серіктестермен өтті.

КАЗ.png

2025 жылы Холдинг пен оның еншілес және тәуелді ұйымдары өткізген кездесулер, сапарлар және іс-шаралар нәтижесінде 600 млн еуро, 2,2 млрд АҚШ доллары, 11 млрд 653 млн қытай юані, 200 млрд жапон иенасы көлемінде сыртқы капитал тартуға бағытталған 54 шарт, негіздемелік келісім және меморандум жасалды. Оның ішінде нақты тартылған қаражат көлемі 200 млн АҚШ долларын (3-т.) және 10 млрд 153 млн қытай юанін (5, 6, 9, 10, 12, 13, 14, 17-тт.) құрады.
Сонымен қатар, Холдинг шетелдік инвесторлардың қатысуымен инвестициялық жобаларды іске асыру жөніндегі ниеттер туралы келісімдер мен меморандумдарға 2 млрд 560 млн АҚШ доллары (18, 19-тт.) сомасына қол қойды:

1. 400 млн еуроға дейінгі сомаға экспорттық-кредиттік агенттіктердің сақтандыру жабыны аясындағы қаржыландыру жөніндегі негіздемелік келісім — Холдингтің еншілес ұйымы «Қазақстанның Даму Банкі» АҚ (бұдан әрі — Банк) мен Banco Santander арасында жасалған. Банк K-Sure кореялық экспорттық-кредиттік агенттігінің сақтандыру жабыны арқылы Banco Santander қаражатын 400 млн еуроға дейін тарту мақсатында кореялық қатысуы бар жобалар пулын пысықтауда.

2. 200 млн еуроға дейінгі сомаға қаржыландыру жөніндегі негіздемелік келісім — Банк пен KfW арасында жасалған. Қазіргі уақытта Банк KfW-ден 200 млн еуро көлемінде қарыз тарту бойынша жұмыстар жүргізуде.

3. Deutsche Bank-пен 200 млн АҚШ доллары сомасына жасалған кредиттік келісім — Банк пен Deutsche Bank арасында жасалған. 2025 жылғы 2 маусымдағы жағдай бойынша кредиттік желі Банктің бірқатар жобаларын қаржыландыру үшін толық игерілді. 2025 жылғы 24 желтоқсанда қарыз мерзімінен бұрын толық көлемде өтелді.

4. 1 млрд АҚШ долларына дейінгі сомаға Бас кредиттік келісім Банк пен China Development Bank Corporation арасында Банктің инвестициялық жобаларын қаржыландыру мақсатында жасалды. Бүгінгі күні кредиттік желі шеңберінде 2025 жылғы 28 мамырдағы Бас келісім аясында 1,6 млрд қытай юані (5-т.) және 123 млн қытай юані (6-т.) сомасына екі қосалқы кредиттік келісім жасалды.

5. 1,6 млрд қытай юані сомасына қосалқы кредиттік келісім — Банк пен China Development Bank Corporation арасында 2025 жылғы 28 мамырдағы Бас келісім шеңберінде жасалған.

6. 123 млн қытай юані сомасына қосалқы кредиттік келісім — Банк пен China Development Bank Corporation арасында 2025 жылғы 28 мамырдағы Бас келісім шеңберінде жасалған.

7. 1 млрд АҚШ доллары сомасына кредиттік желі жөніндегі негіздемелік келісім — Банк пен China EXIM Bank арасында жасалған. 2 млрд қытай юані сомасындағы кредиттік желі бойынша қаржыландырудың негізгі шарттары туралы келісімге қол қойылды. Қазіргі уақытта 2 млрд қытай юані сомасындағы кредиттік келісім пысықталуда.

8. 2 млрд қытай юані сомасындағы кредиттік желі бойынша қаржыландырудың негізгі шарттары туралы келісім — Банк пен China Export-Import Bank арасында жасалған.

9. China EXIM Bank-пен 2 млрд қытай юані сомасына жасалған кредиттік келісім — Банк пен China Export-Import Bank арасында жасалған.

10. Bank of China-мен 1 млрд қытай юані сомасына жасалған кредиттік келісім — Банк пен «Қазақстандағы Қытай Банкі» ЕБ АҚ арасында жасалған. Қаражат жалпы корпоративтік мақсаттарға тарту үшін алынған. 2025 жылғы 19 желтоқсанда қаражат толық көлемде игерілді.

11. 500 млн қытай юані сомасына ынтымақтастық туралы меморандум — «Бәйтерек» ҰБХ» АҚ мен ICBC ASIA арасында жасалған.

12. 430 млн қытай юані сомасына банктік қарыз шарты — «Бәйтерек» ҰБХ» АҚ мен ICBC Almaty арасында жасалған. Қарыз «Аграрлық несие корпорациясы» АҚ-ны қаржыландыру мақсатында айналым қаражатын толықтыру үшін тартылды.

13. 500 млн қытай юані сомасына банктік қарыз шарты — «Бәйтерек» ҰБХ» АҚ мен ICBC Almaty арасында жасалған. Қарыз «Өнеркәсіпті дамыту қоры» АҚ-ны қаржыландыру мақсатында айналым қаражатын толықтыру үшін тартылды.

14. 500 млн қытай юані сомасына банктік қарыз шарты — «Бәйтерек» ҰБХ» АҚ мен ICBC Almaty арасында жасалған. Қарыз «Өнеркәсіпті дамыту қоры» АҚ-ны қаржыландыру мақсатында айналым қаражатын толықтыру үшін тартылды.

15. 200 млрд иенаға дейінгі сомаға ынтымақтастық туралы меморандум — «Бәйтерек» ҰБХ» АҚ мен MUFG Bank, Ltd. арасында жасалған. Меморандум тұрақты даму, баламалы энергетика және ESG салаларындағы жобалар бойынша «Бәйтерек» Холдингінің инвестициялық бағдарламасын қолдау үшін 200 млрд иенаға дейін қаржыландыру тарту, борыштық және ақша нарықтары арқылы қаржыландыруды ұйымдастыру, жобалық және инфрақұрылымдық қаржыландыру, экспорттық-кредиттік қолдау көрсетілетін мәмілелерге қатысу, сондай-ақ ақша нарығындағы операциялар мен хеджирлеу бағыттарындағы ынтымақтастықты көздейді.

16. 5 млрд юань сомасына кредиттік желі туралы келісім — «Бәйтерек» ҰБХ» АҚ мен China Development Bank Hong Kong Branch арасында жасалған. Осы келісім шеңберінде 4 млрд юань көлемінде қарыз тартылды.

17. 4 млрд юань сомасына қарыз шарты — «Бәйтерек» ҰБХ» АҚ мен China Development Bank Hong Kong Branch арасында жасалған.

18. 2,5 млрд АҚШ доллары сомасына өнеркәсіптік кооперацияны құру және дамыту жөніндегі стратегиялық келісім — «Бәйтерек» ҰБХ» АҚ, Қазақстан Республикасы Өнеркәсіп және құрылыс министрлігі, «АгромашХолдинг KZ» АҚ, Eurasia Group AG және John Deere Walldorf International GmbH арасында жасалған.

19. 60 млн АҚШ доллары сомасына өзара түсіністік туралы меморандум — «Бәйтерек» ҰБХ» АҚ мен Solico Kalleh арасында жасалған.