16.07.2024 16:53:00
- Холдинг туралы
"Бәйтерек "ҰБХ" АҚ Басқарма төрағасы Айдар Әріпханов ҚР Индустрия және инфрақұрылымдық даму министрлігінің кеңейтілген алқа отырысында сөз сөйлеп, өткен жылы Холдингтің қызметі туралы есеп беріп, ағымдағы жылға арналған жоспарлар туралы әңгімеледі.
2019 жылғы қызметтің қорытындысы бойынша (жедел деректер бойынша) таза пайда 40 млрд теңгені құрайды, ал жоспар бойынша 38 млрд теңге. Холдингтің активтері 5,3 трлн теңгені құрайды. Бұл ретте есепті кезеңдегі активтердегі кредиттік және инвестициялық портфельдердің үлесі 76,1% - ды құрады.
Ірі, орта және шағын бизнесті қолдау
Екінші деңгейдегі банктерде теңгемен ұзақ мерзімді қаржыландыру болмаған жағдайда, Қазақстанның Даму Банкі (ҚДБ) әрбір екінші теңге ұсына отырып, экономиканың шикізаттық емес секторларын ұзақ мерзімді кредиттеудің локомотиві болып табылады.
- Холдинг экономиканың шикізаттық емес секторларын ұзақ мерзімді кредиттеу нарығының 50% - ға жуығын алады. ҚДБ қоржынына 55 инвестициялық жоба және 6,3 трлн теңгеге 15 экспорттық операция кіреді, - деді Айдар Әріпханов.
2019 жылы ҚДБ 315,1 млрд теңгенің 15 жобасын қаржыландырды, 11 инвестициялық жобаны қаржыландыруға және 436,5 млрд теңгенің 3 экспорттық операциясы мақұлданды, 137,7 млрд теңгенің 13 жобасына экспорт алдындағы қаржыландыру көрсетілді.
Холдинг басшысы хабарлағандай, "Даму" кәсіпкерлікті дамыту қоры 611,4 млрд.теңге сомасына 24,2 мың шағын және орта бизнес (ШОБ) жобасына қолдау көрсетті. Нәтижесінде ШОБ субъектілеріне кредиттердің жалпы көлемінде "Даму" Қорының құралдары есебінен "Бәйтерек" холдингінің үлесі 36% - ды құрады.
Экспорттық әлеуетті арттыру
Айдар Әріпхановтың мәліметінше, 2019 жылы экспорттаушыларға 97,1 млрд.теңге көлемінде сақтандыру қолдау көрсетілді, 10,4 млрд. теңге сомасында саудалық қаржыландыру және 11,8 млрд. теңге сомасында экспорт алдындағы қаржыландыру жүзеге асырылды.
- KazakhExport 34 млрд теңгеге капиталдандыру жүргізілді және біздің сақтандыру компаниясы мен ҚР Қаржы министрлігі арасында 10 жылға 102 млрд теңге сомаға экспортты қолдау бойынша кепілдік шарты жасалды. Сонымен қатар, біздің еншілес ұйым Ташкент, Душанбе, Новосибирск, Екатеринбург және Бішкек қалаларында шет елдерде өкілдер желісін ашты. Бұл шаралар шикізаттық емес экспорт көлемінің одан әрі өсуін қамтамасыз етуге мүмкіндік береді, - деп атап өтті Басқарма Төрағасы.
Тұрғын үйдің қаржылық қолжетімділігін қамтамасыз ету
Айта кетейік, "Бәйтерек" холдингі елдегі тұрғын үй құрылысы бағдарламасының негізгі операторы болып табылады. Сонымен, тұрғын үй құрылыс жинақ банкі 800 млрд теңгеден астам сомаға халықтың ұзақ мерзімді теңгелік салымдары бойынша бірінші орынға ие. 2019 жылдың қорытындысы бойынша ипотекалық кредиттердің 63% - ы немесе 527 млрд теңге тұрғын үй құрылыс жинақ банкі берген.
2015-2019 жылдары Қазақстан ипотекалық компаниясы салған және сатып алған жалға берілетін тұрғын үйдің жалпы қоры 1,1 млн шаршы метрді немесе 19 234 пәтерді құрады. "Сатып алу құқығымен жалға берілетін тұрғын үй" бағдарламасын іске асыру кезеңінде 18,4 мың отбасы жалға берілетін тұрғын үймен қамтамасыз етілді.
Бәйтерек девелопмент "револьверлік" қағидат бойынша әкімдіктердің облигацияларын сатып алу тетігі арқылы кредиттік тұрғын үй құрылысын қаржыландырады. Өткен жылы жергілікті атқарушы органдардың (ЖАО) 108,8 млрд теңгеге 101,2 млрд теңгеге бағалы қағаздары сатып алынды.
Тұрғын үй құрылысына кепілдік беру қоры 2019 жылы жеке құрылыс салушылардың 23 жобасына 88,8 млрд теңге кепілдік берді. Алдын ала іріктелген жобалардың жалпы қоржыны 154,8 млрд теңгені құрады.
Ал "Даму" қоры коммерциялық несиелердің құнын арзандату мақсатында жеке құрылыс салушылардың жобаларын 104,1 млрд теңгеге субсидиялады.
"Бәйтерек" холдингінің басшысы "Бақытты отбасы"көп балалы және аз қамтылған отбасыларын жеңілдетілген ипотекалық несиелеу бағдарламасының жүзеге асырылу барысы туралы айтты.
- 2019 жылы бұл бағдарламаны жүзеге асыруға 50 млрд теңге бөлінді. Нәтижесінде тұрғын үй құрылыс жинақ банкі 51,7 млрд теңгеге 5 196 өтінім қабылдап, 42,7 млрд теңгеге 4 223 қарыз берді. Бұдан басқа, Мемлекет басшысының Жолдауына сәйкес алдағы үш жыл ішінде жыл сайынғы беру жоспары кемінде 10 мың өтінімді құрайды, - деп түсіндірді Айдар Әріпханов.
Ағымдағы жылға арналған жоспарлар
Ағымдағы жылы "Бәйтерек" холдингі алдында бірқатар міндеттер тұр. Сонымен, 430,9 млрд теңге сомасына ірі бизнес жобаларын қаржыландыруды жүзеге асыру, құны 573 млрд теңге болатын 11 жобаны іске қосу, сондай-ақ 15,4 мың ШОБ жобаларын қолдау жоспарлануда.
- Біз экспорттаушыларға 125 млрд теңге көлемінде қолдау көрсетуді жоспарлап отырмыз. Сонымен қатар, 2020 жылы Мәскеу, Үрімші және Минск қалаларында өкілдердің кеңселерін ашу жоспарлануда. 2020 жылы пайыздық мөлшерлемені субсидиялауды енгізу бөлігінде заңнамаға өзгерістер енгізу, сондай-ақ ҚР Ұлттық Банкінің реттеуінен шығу бойынша заңнамаға өзгерістер енгізу жоспарлануда, - деп хабарлады "Бәйтерек"холдингінің басшысы.
Сонымен қатар, 2020 жылы 420 млрд теңгеге тұрғын үй заемын беру, жергілікті атқарушы органдардың 101,2 млрд теңгеге облигацияларын сатып алу, үлестік құрылысты 65,8 млрд теңгеге кепілдендіру, сондай-ақ құрылыс салушылардың несиелерін 20 млрд теңгеге субсидиялау жоспарланған.
А. Әріпханов сөзінің толық мәтінімен мына сілтеме бойынша танысуға болады: https://www.baiterek.gov.kz/kk/news/byterek-ubkh-ak-baskarma-toragasy-aydar-arifkhanovtyn-kr-industriya-zhne-infrakurylymdy-damytu
Несиелендіру мөлшерлемесі: жылдық 5%-дан бастап
Заем сомасы: 45 000 000 теңгеге дейін
Несиелендіру мерзімі: 8 жылға дейін
Несиелендіру мөлшерлемесі: жылдық 7% (одан әрі қарай 5%-ға дейін төмендеуі)
Заем сомасы: 45 000 000 теңгеге дейін
Несиелендіру мерзімі: 8 жылға дейін