Ауыл шаруашылығы активтерін мониторингілеу және басқару департаментінің бас менеджері

«Бәйтерек» ҰБХ» АҚ Ауыл шаруашылығы активтерін мониторингілеу және басқару департаментінің бас менеджері бос лауазымына үміткерді қайта іздейтінін хабарлайды.

Лауазымы, құрылымдық бөлімшесі: Ауыл шаруашылығы активтерін мониторингілеу және басқару департаментінің бас менеджері.      

Лауазымдық міндеттері: АӨК саласындағы еншілес ұйымдармен (бұдан әрі - ЕҰ), Холдингтің АӨК саласындағы негізгі қызметінің мәселелері бойынша мемлекеттік органдармен және ұйымдармен тиімді өзара іс-қимыл жасауға жәрдемдесу.

Бос лауазымға қойылатын біліктілік талаптары (лауазымдық нұсқаулықтан):

Экономика, қаржы, заң немесе басқару (менеджмент) саласындағы жоғары білім.

Жұмыс өтіліне қойылатын талаптар:

Кәсіби салада немесе лауазымның функционалдық бағыттарына сәйкес келетін салаларда жұмыс тәжірибесі кемінде 5 (бес) жыл;

Ұйымның бейініне сәйкес келетін экономикалық қызмет түріндегі жұмыс тәжірибесі кемінде 3 (үш) жыл (Холдинг компаниялары тобында және/немесе мемлекеттік басқару органдарында болғаны құпталады).

Лауазымдық міндеттерді орындау үшін мыналарды білуі қажет:

· Холдингтің еншілес ұйымдарына арналған міндеттерді көздейтін, агроөнеркәсіптік секторды дамыту мәселелерін қозғайтын салалық заңнаманы, Қазақстан Республикасы Мемлекеттік жоспарлау жүйесінің құжаттарын;

· қызметті үздіксіз жетілдіру, бизнес-процестерді оңтайландыру саласындағы білім мен тәжірибе;

· агроөнеркәсіптік сектордағы жаһандық салалық трендтер, ҚР және әріптес елдердің салалық нарығын түсіну;

· жоспарлау/болжау, SWOT талдау қағидаттарын білу;

· мемлекеттік және ағылшын тілдерін білу.

Міндеттерді орындау үшін қажетті дағдылар:

· индикативтік көрсеткіштерді талдау, жинау, цифрландыру және мониторингілеу процесін құру;

· іскерлік хат алмасуда, мемлекеттік органдармен және ұйымдармен өзара іс-қимылда Холдингтің ұстанымын сауатты қалыптастыру және дәлелдеу;

· бизнес-аналитиканың қолданбалы бағдарламаларын, деректерді визуалдау панельдерін пайдалану;

· аналитикалық материалдарды, қорытындыларды, презентацияларды әзірлеу және жазу;

· өз ұстанымын дәлелді түрде қорғай білу;

· мониторинг процестері мен сабақтас корпоративтік және өндірістік функциялар арасындағы тиімді интеграцияны құру.

Міндеттерді орындау үшін қажетті жеке-іскерлік құзыреттер:

Коммуникация және көшбасшылық                                                                       

Аналитикалық ойлау және шешім қабылдау                                                  

Жұмыс процестеріне әсер ету                                                                    

Жұмысты ұйымдастыру                                                                    

Өзгерістерге бейімделе білу                                                                         

Командамен жұмыс істей білу

Жауапкершілік

Даму                                                

Жұмыс шарттары:

Жұмыс уақыты: толық жұмыс күні, 5/2

Жалдау нысаны: еңбек шарты

Әлеуметтік пакет: медициналық сақтандыру

Орналасқан жері: Нұр-Сұлтан қ., Мәңгілік Ел даңғылы 55А, B блогы

Конкурсқа қатысуға ниет білдірген үміткерлердің түйіндемелері hrd@baiterek.gov.kz email арқылы hrd@baiterek.gov.kz 23.06.2022 ж. дейін қабылданады.

Хат тақырыбында «АШАМБД бас менеджері» деп көрсетіңіз.