Шарлапаев Қанат Бисимбайұлы

Қазақстан Республикасының Индустрия және құрылыс министрі, Холдингтің Директорлар кеңесінің мүшесі

Туған күні: 1981 жылғы 9 шілде.

Азаматтығы: Қазақстан.

Холдингтің Директорлар кеңесінің құрамына алғаш сайланған күні: 2022 жылғы 28 қыркүйек Холдингтің жалғыз акционерінің шешіміне сәйкес, ҚР Ұлттық экономика министрлігінің № 237 бұйрығы.

Басқа ұйымдардың Директорлар кеңестеріндегі/Бақылау кеңестеріндегі жұмысы және оған мүшелігі: «Қазақстанның Даму Банкі» акционерлік қоғамының, «Отбасы банк» тұрғын үй құрылыс жинақ банкі» акционерлік қоғамының, «Bereke Bank» акционерлік қоғамының және «Қазақстан Тұрғын үй Компаниясы» акционерлік қоғамының Директорлар кенесінің мүшесі.

Білімі: Саратов әлеуметтік-экономикалық университетін (РФ), Cranfield School of Management (Ұлыбритания) тәмамдаған. Еңбек жолын 2003 жылы банк секторында бастады.

Жұмыс тәжірибесі:

2006-2008 жылдары өңірлік кеңсенің қаржы департаментінде, жобаларды басқару департаментінде, операциялық-технологиялық департаментінде, «Сити» инвестбанкінің сату басқармасында (Ұлыбритания, Чехия) жұмыс істеді.

2008-2014 жылдары - «Сити» инвестбанк акциялар нарығында жұмыс жөніндегі өңірлік дивизионының аға талдаушысы, вице-президентінің көмекшісі, вице-президенті (Лондон, Ұлыбритания).

2014-2015 жылдары – «Сити» инвестбанкінің Еуропа, Таяу Шығыс және Африка бойынша стратегиялық жоспарлау және талдау өңірлік тобының вице-президенті (Лондон, Ұлыбритания).

2015-2017 жылдары - Ситибанк Қазақстанның Бас қаржы директоры, басқарма төрағасының орынбасары, аға вице-президенті.

2017-2020 жылдары - Ресей Ситибанкінің Ресей, Украина және Қазақстан бойынша бас қаржы директоры, аға вице-президенті.

2020-2022 жылдары – «Сити» инвестициялық банкінің (БАӘ) Африка, Таяу Шығыс пен Шығыс Еуропаның дамушы нарықтарындағы стратегия, жоспарлау және талдау жөніндегі өңірлік директоры.

2022 жылғы 2 ақпаннан бастап ҚР Үкіметінің № 45 қаулысына, ҚР Ұлттық экономика министрінің № 37 бұйрығына сәйкес Холдингтің Басқарма төрағасы болып тағайындалды.

2023 жылғы 4 қыркүйектен бастап – Қазақстан Республикасының Индустрия және құрылыс министрі.

2023 жылғы 28 қыркүйектен бастап – «Бәйтерек» ұлттық басқарушы холдингі» АҚ Директорлар кеңесінің мүшесі.

2024 жылғы 6 ақпанда Мемлекет басшысының Жарлығымен Қазақстан Республикасының өнеркәсіп және құрылыс министрі болып тағайындалды.

Холдингтің акцияларын, сондай-ақ Холдингтің өнім берушілері мен бәсекелестері болып табылатын заңды тұлғалардың акциялары мен қатысу үлестерін иеленбейді.