Сатып алу ережелері

«Бәйтерек» Ұлттық инвестициялық холдингі» акционерлік қоғамы сатып алу қызметін жүзеге асыру кезінде 2021 жылғы 8 маусымдағы № 47-VII ҚРЗ «Квазимемлекеттік сектордың жекелеген субъектілерінің сатып алуы туралы» Қазақстан Республикасының Заңын және Қазақстан Республикасы Қаржы министрінің 2021 жылғы 30 қарашадағы № 1253 бұйрығымен бекітілген Ұлттық әл-ауқат қорын және Ұлттық әл-ауқат қорының ұйымдарын қоспағанда, квазимемлекеттік сектордың жекелеген субъектілерінің сатып алуды жүзеге асыру қағидаларын басшылыққа алады. Қазақстан Республикасының Әділет министрлігінде 2021 жылғы 2 желтоқсанда № 25488 болып тіркелген.

1. Сатып алу жоспары

Сатып алу жоспар(лар)ын тапсырыс берушінің бірінші басшысы немесе тапсырыс берушінің өзге уәкілетті адамы және (немесе) алқалы органы тиісті бюджетті (өндірістік бағдарламаны және (немесе) инвестициялық бағдарламаны және (немесе) бюджетті және (немесе) даму жоспарын және (немесе) бизнес-жоспарды және (немесе) кірістер мен шығыстар сметасын) бекіту (нақтылау) жөніндегі алқалы органның отырысы хаттамасының үзінді-көшірмесін алған күннен бастап жиырма жұмыс күні ішінде бекітеді (нақтылайды).

2. Сатып алуды жүзеге асыру

Құрметті әлеуетті өнім берушілер!

Осы арқылы «Бәйтерек» Ұлттық инвестициялық холдингі» акционерлік қоғамы тауарларды, жұмыстарды және көрсетілетін қызметтерді www.eep.mitwork.kz мекенжайы бойынша Еуразиялық электрондық сатып алу порталында жүзеге асыратынын хабарлаймыз.

Мүдделі әлеуетті өнім берушілер сатып алу порталында тіркеле алады және өткізілетін сатып алуға қатыса алады.

Сұрақтар бойынша +7-7172-91-91-48 телефоны арқылы хабарласуға болады.

3. Шарт жасасу

Тауарларды, жұмыстарды және көрсетілетін қызметтерді сатып алу туралы шарттар Сатып алу қағидаларына сәйкес сатып алу веб-порталы арқылы жасалады, Сатып алу қағидаларында көзделген жағдайларды, сондай-ақ резидент емес тұлғалармен жасалатын және қағаз жеткізгіште ресімделетін шарттарды қоспағанда.