Мұхамеджанов Әділ Бектасұлы

Басқарма Төрағасының орынбасары

Әділ Мұхамеджанов, 1981 жылғы, Қазақстан Республикасының азаматы, «Бәйтерек» Ұлттық басқарушы холдингі» АҚ Басқарма Төрағасының орынбасары ретінде 2021 жылдың мамыр айында Директорлар кеңесінің шешімімен тағайындалды. Тәуекел менеджментін дамыту, стратегия және талдау, жобалық қаржыландыру мәселелеріне жетекшілік етеді.

Әділ Бектасұлы Мұхамеджанов еңбек жолын 2003 жылдың қазан айында «КазТрансОйл» жабық акционерлік қоғамында жобаларды басқару департаментінің маманы болып бастады. 2004 жылдың наурыз айы мен 2016 жылдың наурыз айы аралығында «Caspian Energy Inc» PLS Канада, Торонто қаласында, «Арал Петролиум Кэпитал» жабық акционерлік қоғамында қаржы менеджері, Вице-президент лауазымдарында жұмыс істеді, сондай-ақ аталған компанияның директорлар кеңесінің мүшесі болды. 2010 жылдың қыркүйегінен 2011 жылдың желтоқсанына дейін - «Отан» ашық жинақтаушы зейнетақы қоры» акционерлік қоғамының Басқарма Төрағасы . 2008 жылдың мамыр айынан 2016 жылдың мамыр айына дейінгі кезеңде – «АзияКредитБанк» акционерлік қоғамының Директорлар кеңесінің мүшесі. 2016 жылдың қыркүйек айынан 2021 жылдың мамыр айына дейін - «Қазақстан Тұрғын үй компаниясы» АҚ Басқарма Төрағасы қызметін атқарды.

 Әділ Бектасұлы Мұхамеджанов Т. Рысқұлов атындағы Қазақ экономикалық университетінде «Халықаралық экономист» біліктілігімен, «Халықаралық экономикалық қатынастар» мамандығын алған.  2003 жылы Ноттингем университетінде (Ұлыбритания) «Қаржы және менеджмент» мамандығын бітірген.   2018 жылы Чикаго университеті жанындағы Бута атындағы бизнес мектебінде ЕМВА дәрежесін алған. 

Қызметкер екінші бір жерде қосымша жұмыс істемейді. Еншілес ұйымдарға тиесілі акциялардың үлестері жоқ.