МЖӘ жобаларын қолдау бөлігінде Қор жоба бастамашыларына мынадай қызметтер көрсетеді:

• Жоғары білікті консультанттарды (бизнес-жоспарлар, МЖӘ шарттарының жобалары және т. б.) тарта отырып, жобалау алдындағы құжаттаманы ішінара немесе кешенді әзірлеу;
• Мүдделі мемлекеттік органдар мен ұйымдардың келісуі мен сараптамасы барысында МЖӘ жобаларын консультациялық сүйемелдеу;
• Холдингтің құралдары мен оның ауқымды халықаралық байланыстарын пайдалана отырып, жергілікті нарықта да, халықаралық нарықта да инвесторлар мен институттарды тарту;
• МЖӘ шартының тараптары арасындағы келіссөздер үдерісіндегі консультациялық қызметтер.

Индустриялық жобаларды қолдау бөлігінде Қор жоба бастамашыларына мынадай қызметтер көрсетеді:

• Жоғары білікті консультанттарды тарта отырып, жобалау алдындағы құжаттаманы ішінара немесе кешенді әзірлеу;
• Холдингтің құралдары мен оның ауқымды халықаралық байланыстарын пайдалана отырып, жергілікті және халықаралық нарықта стратегиялық немесе қаржы инвесторлары мен институттарын тарту;
• Инвестициялық және/немесе қарыз капиталын тарту кезінде қаражаттың қайтарымдылығы шартымен жобалау алдындағы кезеңді қаржыландыру.

«Kazakhstan Project Preparation Fund» ЖШС